బైక్ అన్నాక ల‌గేజ్ తీసుకెళ్ల‌డం సాధార‌ణ‌మే.కానీ ఇక్క‌డో వ్యక్తి స్కూటీపై ల‌గేజీని నింపి తాను మాత్రం వెన‌క ఎక్క‌డో కూర్చున్నాడు. దాంతో అత‌నిని వీడియో తీసి సోష‌ల్ మీడియాలో పోస్ట్ చేశాడు సాగ‌ర్ అనే వ్యక్తి. కాగా ఈ వీడియోలో ఉన్న వ్యక్తి ఎవరు.. ఎక్కడ అనేది తెలియదు కానీ… వీడియో మాత్రం వైరల్ గా మారింది. అతని కాళ్లు కిందకు ఆనుతున్నాయి.. స్కూటర్ హ్యాండిల్ అందుకోలేంత చివరలో కూర్చొని అతను డ్రైవింగ్ చేస్తున్నాడు. ఈ వీడియోని తెలంగాణ పోలీసులు కూడా షేర్ చేశారు.కాగా ఈ వీడియోని ఇప్పటి వరకు 7లక్షల మందికి పైగా వీక్షించారు.
నెటిజన్లు ఈ వీడియో చూసిన తర్వాత తమకు తోచిన విధంగా కామెంట్స్ చేస్తున్నారు. కానీ.. అతని డ్రైవింగ్ చూస్తే.. ఎవరికైనా భయం పుట్టాల్సిందే. అంత భయంకర స్థితిలో కూర్చొని డ్రైవ్ చేస్తుండటం గమనార్హం. ‘ వెకేషన్ తర్వాత అమ్మ ఇంటి నుంచి వెళ్తున్నట్లుగా ఉంది’ అంటూ ఒకరు కామెంట్ చేయడం గమనార్హం. వాట్సాప్ డేటాబేస్ ఫోల్డర్ లా ఉందని ఒకరు కామెంట్ చేయడం గమనార్హం.