వచ్చే ఏడాది జరగనున్న అసెంబ్లీ ఎన్నికల్లో ఏ పార్టీల సపోర్ట్ లేకుండానే కాంగ్రెస్ పార్టీ 150 సీట్లు గెలుచుకుంటుందని కర్నాటక కాంగ్రెస్ చీఫ్ డీకే శివకుమార్ అన్నారు. బళ్లారిలో మీడియాతో మాట్లాడిన ఆయన ఏ పార్టీ మద్దతు లేకున్నా తాము150 సీట్లు (కర్ణాటక అసెంబ్లీ ఎన్నికల్లో) టచ్ చేస్తామని, కర్నాటక ప్రజలు 150 సీట్లకు స్పష్టమైన తీర్పు ఇస్తారని చెప్పుకొచ్చారు.
బసవరాజ్ బొమ్మై నేతృత్వంలోని బీజేపీ ప్రభుత్వ హయాంలో జరిగిన అవినీతికి వ్యతిరేకంగా కాంగ్రెస్ ఈ మధ్య దూకుడుగా ప్రచారం చేసింది. పోస్టర్లు, బ్యానర్లతో బొమ్మైకి వ్యతిరేకంగా ‘పేసీఎం’ వంటి ప్రచారాన్ని ఉధృతం చేసింది. భారత్ జోడో యాత్రలో కూడా పార్టీ కార్యకర్తలు ‘PayCM’ టీ-షర్టులు ధరించి కనిపించారు.
PayCM పోస్టర్‌పై ముఖ్యమంత్రి ఫొటోతో QR కోడ్ ఏర్పాటు చేశారు. ఆ కోడ్ని స్కాన్ చేసినప్పుడు, బొమ్మై నేతృత్వంలోని బీజేపీ ప్రభుత్వం పబ్లిక్ వర్క్స్ పై 40 శాతం కమీషన్ తీసుకుంటున్నట్టు ‘40% సర్కార్’ అనే వెబ్‌సైట్‌కి అది లాగిన్ అవుతోంది. ఇట్లా బీజేపీ సర్కారుపై కాంగ్రెస్ చేపట్టిన ప్రచారంపై ప్రభుత్వం విచారణకు ఆదేశించింది. వెంటనే బెంగళూరులో ‘PayCM’ పోస్టర్లను తొలగించారు.
ఇక.. మాజీ సీఎం సిద్ధరామయ్య నేతృత్వంలోని ఒక వర్గం, డీకే శివకుమార్ నేతృత్వంలోని మరో వర్గం మధ్య కర్నాటక కాంగ్రెస్లో పోరు సాగుతోంది. అయినా.. డీకే శివకుమార్ తాము 150 సీట్లు సాధిస్తామని ధీమా వ్యక్తం చేస్తున్నారు. అందుకే కర్నాటక యాత్ర ప్రారంభం సందర్భంగా రాహుల్ గాంధీ, సిద్ధరామయ్య.. డీకే శివకుమార్ కలిసి డప్పు వాయిస్తున్న ఫొటోలు సంచలనంగా మారాయి.-
సిద్ధరామయ్య, డీకే శివకుమార్ ఇద్దరూ కర్నాటకలోని ఓల్డ్ మైసూరు ప్రాంతానికి చెందినవారే. సిద్ధరామయ్య దావణగెరె ర్యాలీలో పెద్ద ఎత్తున కార్యకర్తలను, అభిమానులను తరలించి క్రౌడ్-పుల్లర్‌గా నిరూపించుకున్నారు.. DK శివకుమార్ తన వొక్కలిగ సంఘం నుండి మద్దతును కూడగట్టడానికి యత్నిస్తున్నారు.
