కమ్యూనిస్టు పార్టీలను ‘ఎర్ర గులాబీలు’గా అభివర్ణిస్తూ.. ముఖ్యమంత్రి కేసీఆర్ చిల్లర పెంకులకు ఆశపడి టీఆర్ఎస్ కు అమ్ముడు పోయారని వివాదాస్పద వ్యాఖ్యలు చేశారు బీజేపీ రాష్ట్ర అధ్యక్షుడు బండి సంజయ్. అంతేకాకుండా కాంగ్రెస్ పార్టీ మునిగిపోయే నావ అని, ఆ పార్టీ నేతలే ఒకరికొకరు బహిరంగంగానే కొట్లాడుకుంటున్నారని వ్యాఖ్యానించారు. ఇవ్వాల (బుధవారం) మధ్యాహ్నం బీజేపీ రాష్ట్ర పదాధికారులు, ముఖ్య నేతలతో బండి ప్రత్యేకంగా భేటీ అయ్యారు.
పాలకుర్తి నియోజకవర్గంలోని కిష్టాగూడెం వద్దనున్న ప్రజా సంగ్రామ యాత్ర లంచ్ శిబిరం వద్ద జరిగిన ఈ సమావేశంలో బీజేపీ జాతీయ కార్యవర్గ సభ్యులు పాల్గొన్నారు. మునుగోడు ఎన్నికల్లో కాంగ్రెస్, టీఆర్ఎస్ పార్టీలు లోపాయికారీ ఒప్పందంతో కలిసే పోటీ చేస్తున్నాయని ఆరోపించారు బీజేపీ నేత బండి సంజయ్. మునుగోడు ఉప ఎన్నిక టీఆర్ఎస్ వర్సెస్ బీజేపీ మధ్య జరుగుతుందన్నారు. కోమటిరెడ్డి రాజగోపాల్ రెడ్డి మునుగోడు ప్రజల కోసం రాజీనామా చేశారని, అతనిని మళ్లీ భారీ మెజారిటీతో గెలిపించాలని కోరారు.