సీఎం కేసీఆర్ నేడు యాదాద్రిలో ప‌ర్య‌టించ‌నున్నారు. ఈ రోజు ఉద‌యం 11 గంట‌ల‌కు రోడ్డు మార్గంలో సీఎం కేసీఆర్ యాదాద్రికి చేరుకోనున్నారు. యాదాద్రి ఆలయ పునర్నిర్మాణ పనులను సీఎం కేసీఆర్ పరిశీలించనున్నారు. మార్చి 28న మ‌హాకుంభ సంప్రోక్ష‌ణ దృష్ట్యా జ‌రుగుతున్న పనులను కేసీఆర్ పరిశీలించనున్నారు. ఆ త‌ర్వాత సుదర్శన యాగం, ఇత‌ర ఏర్పాట్ల‌పై సీఎం స‌మీక్ష నిర్వ‌హించ‌నున్నారు.
ప్రస్తుతం ఆలయ పునర్నిర్మాణ పనులు తుది దశలో ఉన్నాయి. సుదర్శన యాగంలో 1108 యజ్ఞ గుండాలను ఏర్పాటు చేస్తారు. ఒక్కో గుండానికి ఆరుగురు చొప్పున మొత్తం 6వేలకు పైగా రుత్విక్కులు ఈ యాగంలో పాలుపంచుకుంటారు. ఆలయ పునఃప్రారంభం సందర్భంగా వేడుకలకు వచ్చే ప్రముఖులు, అతిథులు, మఠాధిపతులు, పీఠాధిపతులు, పెద్ద ఎత్తున తరలివచ్చే లక్షలాది భక్తులకు కల్పించాల్సిన సౌకర్యాలపైనా సీఎం కేసీఆర్ సమీక్షిస్తారు. అలాగే, యాగశాల నిర్మాణ పనులు కూడా కేసీఆర్ పరిశీలిస్తారు.