హిమాలయాల్లోని పవిత్ర పుణ్యక్షేత్రమైన అమర్‌నాథ్ బేస్ క్యాంప్ సమీపంలో శుక్రవారం మేఘాల పేలుడు సంభవించిందని అధికారులు తెలిపారు. కొన్ని కిలోమీటర్లమేర ప్రవహిస్తున్న వరదతో యాత్రికుల టెంట్లు, వస్తు సామగ్రి కొట్టుకుపోయాయి. అంతేకాకుండా దాదాపు పదుల సంఖ్యలో చనిపోయారని, పెద్ద సంఖ్యలో నీటిలో గల్లంతయ్యారని అధికారులు చెబుతున్నారు. కాగా, పోలీసులు, ఇతర పౌర పరిపాలనా యంత్రాంగం సహాయక చర్యను చేపట్టినట్టు తెలుస్తోంది.
పుణ్యక్షేత్రమైన అమర్‌నాథ్ సమీపంలో శుక్రవారం సాయంత్రం ఆకస్మిక వరదలు సంభవించి 25 గుడారాలు కొట్టుకుపోయాయి. మూడు కమ్యూనిటీ కిచెన్‌లు దెబ్బతిన్నాయి. దాదాపు13 మంది మరణించారని పోలీసు అధికారులు తెలిపారు. ముగ్గురిని రక్షించినట్లు వారు చెప్పారు. పుణ్యక్షేత్రం వెలుపల ఉన్న బేస్ క్యాంప్‌లోకి ప్రవహించే నీరు 25 గుడారాలు, యాత్రికులకు ఆహారం అందించే మూడు కమ్యూనిటీ కిచెన్‌లను దెబ్బతీసిందని తెలిపారు. ఎన్‌డిఆర్‌ఎఫ్ బృందం ఇప్పటికే అక్కడ ఉందని, మరో రెండు బృందాలను తరలిస్తున్నట్లు తెలిపారు. ఈ ఘటనపై ప్రధాని నరేంద్ర మోదీ దిగ్భ్రాంతి వ్యక్తం చేశారు.
“అమర్‌నాథ్ గుహ సమీపంలో మేఘాలు పేలిన ఘటనపై దిగ్భ్రాంతి వ్యక్తం చేస్తున్నాం. మృతుల కుటుంబాలకు సానుభూతి తెలుపుతున్నాను. @manojsinha_ జీతో మాట్లాడి పరిస్థితిని సమీక్షించారు. రెస్క్యూ, రిలీఫ్ ఆపరేషన్‌లు కొనసాగుతున్నాయి. బాధితులకు అన్ని విధాలా సహాయం అందిస్తోంది.” త్వరితగతిన సహాయక చర్యలు చేపట్టాలని కేంద్ర బలగాలను, జమ్మూకశ్మీర్‌ అధికార యంత్రాంగాన్ని కేంద్ర హోంమంత్రి అమిత్‌ షా ఆదేశించారు.