విక్ర‌మ్ చిత్రంతో నాలుగేళ్ల త‌ర్వాత ప్రేక్ష‌కుల ముందుకు వ‌చ్చారు యూనివ‌ర్శ‌ల్ హీరో క‌మ‌ల్ హాస‌న్. యాక్ష‌న్ ఎంట‌ర్టైన‌ర్‌గా తెర‌కెక్కిన ఈ చిత్రంలో మ‌ల‌యాళ స్టార్ ఫాహాద్ ఫాజిల్‌, తమిళ స్టార్ విజ‌య్ సేతుప‌తి కీల‌క పాత్ర‌ల్లో న‌టించారు. సూర్య రోలెక్స్ పాత్ర‌లో 5 నిమిషాలు మెరిసాడు. సూర్య పాత్ర సినిమాకే హైలేట్ అని చెప్ప‌వ‌చ్చు. అనిరుధ్ ర‌విచంద్ర‌న్ సంగీతం అందించిన ఈ చిత్రాన్ని రాజ్ క‌మ‌ల్ ఫిలింస్ ఇంట‌ర్నేష‌న‌ల్ బ్యాన‌ర్‌పై ఆర్. మహేంద్ర‌న్‌తో క‌లిసి క‌మ‌ల్ స్వీయ నిర్మాణంలో తెర‌కెక్కించాడు. విడుద‌లైన అన్ని ఏరియాల్లో డ‌బుల్ బ్లాక్ బ‌స్ట‌ర్‌గా నిలిచింది.
చాలా కాలం త‌ర్వాత క‌మ‌ల్‌కు విక్ర‌మ్ సినిమా భారీ విజ‌యం సాధించింది. ఇక దాదాపు నాలుగేళ్ళ త‌ర్వాత క‌మ‌ల్ వెండితెర‌పై క‌నిపించ‌డంతో అభిమానులు సంబురాలు చేసుకున్నారు. అందులో అవుట్ అండ్ అవుట్ యాక్ష‌న్ సినిమాను చేయ‌డంతో ఫ్యాన్స్ సంతోషానికి అవదుల్లేకుండా పోయాయి. ఈ చిత్రం 50రోజులు పూర్తి చేసుకుంది. ఈ మ‌ధ్య కాలంలో ఒక సినిమా రెండు వారాలు అడుతుందంటేనే పెద్ద విష‌యం. అలాంటిది విక్ర‌మ్ 50రోజులు పూర్తి చేసుకుందంటే విశేషం అనే చెప్పాలి. ఈ సినిమా ఓటీటీలో విడుద‌లైన‌ప్ప‌టికి థియేట‌ర్‌ క‌లెక్ష‌న్‌లు ఇంకా స్ట‌డీగానే ఉన్నాయి. ప్రేక్ష‌కులు రిపీటెడ్‌గా ఈ చిత్రాన్ని చూసేందుకు ఆస‌క్తి చూపిస్తున్నారు. ఇప్ప‌టివ‌ర‌కు ఈ చిత్రం అన్ని భాష‌ల్లో క‌లిపి దాదాపు రూ.450కోట్లకు పైగా క‌లెక్ష‌న్‌ల‌ను సాధించింది. తెలుగులో ఈ చిత్రం దాదాపు రూ.18 కోట్ల వ‌ర‌కు క‌లెక్ష‌న్‌లు సాధించింది. దీంతో విక్ర‌మ్ సినిమాకు తెలుగులో రూ.10కోట్లకు పైగానే ప్రాఫిట్స్ వ‌చ్చాయి. హీరో నితిన్ శ్రేష్ఠ్‌ మూవీస్ బ్యాన‌ర్‌పై ఈ చిత్రాన్ని విడుద‌ల చేశాడు.