Breaking : మ‌హిళా జైలులో – గ‌ర్భం దాల్చిన ఇద్ద‌రు మ‌హిళా ఖైదీలు

ఓ ఇద్ద‌రు మ‌హిళా ఖైదీలు జైలులోనే గ‌ర్భం దాల్చారు. వారిద్ద‌రు ట్రాన్స్ జెండ‌ర్స్ కావ‌డంతో వారు శృంగారంలో పాల్గొన‌గా ప్రెగ్నెంట్ అయిన‌ట్టు స‌మాచారం. ఈ సంఘ‌ట‌న అమెరికాలోని న్యూజెర్సీ రాష్ట్రంలో చోటు చేసుకుంది. అక్కడ కేవలం మహిళలు మాత్రమే ఉంటారు. పురుషులకు అసలు అనుమతే లేని ఆ జైల్లోని ఇద్దరు మహిళా ఖైదీలు గర్భం దాల్చాడంతో ఇప్పుడు ఈ వార్త వైర‌ల్ గా మారింది. దీంతో.. ఏం చేయాలో పాలుపోక జైలు అధికారులు మల్లగుల్లాలు పడుతున్నారు. జైలు నిబంధనలే ఈ పరిస్థితికి దారి తీసాయి. వీటి ప్రకారం.. తాము పురుషులమని భావించేవారు పురుషుల జైల్లో.. మహిళలమని నమ్మేవారు మహిళల జైల్లో ఉండేందుకు హక్కు ఉంది. ఈ క్రమంలో డెమీ మైనర్ అనే ట్రాన్స్ జెండర్ తాను మహిళల జైల్లోనే ఉంటానని తెలిపింది. దీంతో.. జైలు అధికారులు ఇందుకు అంగీకరించారు. అయితే అప్పటికి ఆ ట్రాన్‌జెండర్‌కు లింగ మార్పిడి ఆపరేషన్ జరగలేదు. ఈ క్రమంలో ఆ ఇద్దరు ఖైదీలతో ట్రాన్స్ జెండర్ మహిళ శారీరకంగా కలవడంతో వారు గర్భవతులయ్యారు. అయితే.. ఇదంతా పరస్పర ఆమోదంతోనే జరిగిందని ఇద్దరు మహిళా ఖైదీలు స్పష్టం చేశారు. అంధకారమైపోయిన తమ జీవితాల్లో వెలుగు రేఖలా ప్రేమ భావన ప్రవేశించింద‌ని చెప్పారు.