న‌వాడా : ప్ర‌యాణిస్తోన్న కారులో అకస్మాత్తుగా మంటలు చెలరేగాయి. దాంతో కొద్ది క్ష‌ణాల్లోనే కారు అగ్నికి ఆహుత‌యింది. ఈ ఘ‌ట‌న బీహార్‌లోని నవాడలో చోటు చేసుకుంది. కారులో పొగలు వ‌స్తున్న విష‌యాన్ని గ‌మ‌నించి కారులో ప్ర‌యాణిస్తున్న‌వారు కిందికి దిగ‌డంతో ఎవరికీ గాయాలు కాలేదు. పాట్నాలోని గుల్జార్‌బాగ్‌కు చెందిన దిలీప్ కుమార్ తన మామ, అమ్మమ్మ , స్నేహితుడితో కలిసి కారులో కౌవాకోల్‌లోని సిటువాకు వెళ్తున్నాడు. అతను అనారోగ్యంతో ఉన్న తన మామ పింటూ చౌదరికి చికిత్స చేయించేందుకు తీసుకువెళ్తున్నాడు. అదే సమయంలో చటర్ మలుపు దగ్గర కారులో నుంచి ఒక్కసారిగా పొగలు రావడం మొదలైందని తెలిపారు. కారు ఆగగానే ఇంజిన్‌లో మంటలు చెలరేగాయి. సమాచారం అందుకున్న వారిస్లిగంజ్ నుండి అగ్నిమాపక దళం బృందం సంఘటనా స్థలానికి చేరుకున్నాయి. అయితే అప్పటికే కారు పూర్తిగా దగ్ధమైంది.
Advertisement
తాజా వార్తలు
Advertisement