దైవ ద‌ర్శ‌నానికి వెళ్లి వస్తుండగా ఘోర ప్రమాదం జరిగింది. భ‌క్తులు ప్ర‌యాణిస్తోన్న బ‌స్సుకి విద్యుత్ షాక్ త‌గిలింది. ఈ సంఘ‌ట‌న రాజస్థాన్‌లోని జైసల్మేర్‌లో చోటు చేసుకుంది. ఈ ప్రమాదంలో ముగ్గురు మృతి చెందినట్లు సమాచారం. అదే సమయంలో ఐదుగురు గాయపడినట్లు సమాచారం. పోల్జీ డెయిరీ సమీపంలో ఈ ఘటన చోటుచేసుకుంది. ప్రయాణికులు టెంబరే రాయ్ ఆలయాన్ని సందర్శించి తిరిగి వస్తుండగా ఈ ప్రమాదం జరిగింది. ముగ్గురు వ్యక్తులు మరణించగా, ఐదుగురికి గాయాలైనట్లు పోలీసు సూపరింటెండెంట్ ధృవీకరించారు. వీరిలో ఒకరి పరిస్థితి విషమంగా ఉంది. క్షతగాత్రులను చికిత్స నిమిత్తం స్థానిక ఆస్పత్రికి తరలించారు. తీవ్రంగా గాయపడిన వారిని జోధ్‌పూర్‌కు తరలించారు. ఈ ప్రమాదంలో ప్రాణాలు కోల్పోయిన ఇద్దరు వ్యక్తులు రాణారామ్ మేఘవాల్, నారాయణరామ్ మేఘవాల్ అన్నదమ్ములని చెబుతున్నారు. ఇద్దరూ ఖిన్యా గ్రామ నివాసితులు. వీరే కాకుండా చనిపోయిన మూడో వ్యక్తిని పద్మారామ్ మేఘ్వాల్‌గా గుర్తించారు.
Advertisement
తాజా వార్తలు
Advertisement