Breaking : కేజీఎఫ్2కి స్పెష‌ల్ ప‌ర్మిష‌న్ – టిక్కెట్స్ రేట్లు పెంచుకోవ‌చ్చు – తెలంగాణ స‌ర్కార్

మ‌రో రెండు రోజుల్లో ప్రేక్ష‌కుల ముందుకి రానుంది కేజీఎఫ్ 2 చిత్రం. దీంతో ఈ భారీ బడ్జెట్ సినిమాకు కూడా తెలంగాణ ప్రభుత్వం టికెట్ రేట్ల విషయం స్పెషల్ పర్మిషన్ ఇచ్చింది. ఈ మేరకు జీవో కూడా జారీ చేసింది. రోజుకు ఐదు షోలు ప్రదర్శించుకునేందుకు అనుమతిచ్చింది. అలాగే సాధారణ టిక్కెట్ ధరపై మల్టీప్లెక్స్ లలో రూ.50, సింగిల్ థియేటర్లలో రూ.30 వరకు టికెట్ పై పెంచుకునే వీలు కల్పించింది. ఈ సౌకర్యం కేవలం నాలుగు రోజుల వరకే ఉంటుందని, తర్వాత సాధారణ రేట్స్ కే విక్రయించాలని తెలిపింది. కన్నడ స్టార్ హీరో యష్ నటించిన ‘కేజీఎఫ్ ఛాప్టర్ 2’ ఈ గురువారం అంటే ఏప్రిల్ 14న ప్రపంచ వ్యాప్తంగా థియేటర్లలో గ్రాండ్ గా రిలీజ్ అవుతోంది. ఈ భారీ చిత్రానికి ప్రశాంత్ నీల్ దర్శకత్వం వహించారు. యష్ సరసన హీరోయిన్ శ్రీనిధి శెట్టి న‌టిస్తోంది. సంజయ్ దత్ .. రవీనా టాండన్ కీలక పాత్రలు పోషించారు. హోంబలే ఫిల్మ్స్ నిర్మించిన ఈ పాన్ ఇండియా మూవీ ఛాప్టర్ 2లో రావు రమేష్, ప్రకాష్ రాజ్ కీలక పాత్రలు పోషిస్తున్నారు.