Breaking : షిండే ప్రభుత్వం త్వరలో పడిపోతుంది.. ఆదిత్య థాక‌రే సంచ‌ల‌న వ్యాఖ్య‌లు

శివసేన నాయకుడు ఆదిత్య థాకరే.. ఏక్‌నాథ్ షిండే నేతృత్వంలోని మహారాష్ట్ర ప్రభుత్వాన్ని మోసగాళ్ల ప్రభుత్వం గా అభివర్ణించారు. ఈ ప్రభుత్వం త్వరలో పడిపోతుందని ఆదిత్య ఠాక్రే పేర్కొన్నారు. ఆదిత్య ఠాక్రే సతారా జిల్లాలోని పటాన్‌లో జరిగిన ర్యాలీలో ప్రసంగించారు. ఏక్‌నాథ్ షిండే 26 మంది శివసేన ఎమ్మెల్యేలతో తిరుగుబాటు చేశారు, ఆ తర్వాత ఎమ్మెల్యేల సంఖ్య దాదాపు 40కి పెరిగింది .. బీజేపీతో కలిసి మహారాష్ట్రలో ప్రభుత్వాన్ని ఏర్పాటు చేసింది. ఈ ప్రభుత్వంలో షిండే ముఖ్యమంత్రి కాగా, దేవేంద్ర ఫడ్నవీస్ ఉప ముఖ్యమంత్రిగా ఉన్నారు. మరోవైపు లోక్‌సభలో దాదాపు డజను మంది శివసేన ఎంపీలు షిండే వర్గంలో చేరారు. ఇప్పుడు ఉద్ధవ్, షిండే వర్గాల మధ్య పోరు పార్టీలోకి రావడంతో ఇరువర్గాలు ఎన్నికల కమిషన్‌లో దావా వేసాయి, ఈ అంశం సుప్రీంకోర్టులో కూడా పెండింగ్‌లో ఉంది.