ముంబ‌యిలో ఆసుప‌త్రి మౌలిక స‌దుపాయాలు పెంచి, మందులు, ఆక్సిజ‌న్ ని ఏర్పాటు చేయాల‌ని మహారాష్ట్ర ప్ర‌భుత్వం యోచిస్తుంది. పెద్ద‌లు, పిల‌ల్ల‌కు టీకాలు వేయ‌డంపై ప్ర‌త్యేక దృష్టిని పెట్టింది. ఈ మేర‌కు అధికారుల‌తో స‌మావేశ‌మ‌య్యారు మహారాష్ట్ర మంత్రి ఆదిత్య‌ఠాక్రే. క‌రోనా కేసులు నిన్న 70శాతం ఉండ‌గా, నేడు 2వేల‌కి చేర‌నున్నాయ‌న్నారు. 15నుండి 18ఏళ్ళ వ‌య‌సు వారికి టీకాని జ‌న‌వ‌రిలో ఇవ్వ‌నున్న‌ట్టు ట్వీట్ చేశారు. రాబోయే 48 గంటల్లో, 15 నుండి 18 సంవత్సరాల వయస్సు గల వారందరికీ టీకా డ్రైవ్‌ను నిర్వహించేందుకు నగరంలోని అన్ని విద్యాసంస్థలతో కనెక్ట్ అవుతుంద‌ని మంత్రి మరో ట్వీట్‌లో తెలిపారు. జంబో కోవిడ్ కేర్ సెంటర్‌లు “మెడికల్ ఇన్‌ఫ్రాస్ట్రక్చర్‌కు ప్రాథమిక సౌకర్యాలతో పాటు అన్ని సంసిద్ధత స్థాయిలలో” స్టాండ్‌బైలో ఉండాలని చెప్పారు.
న్యూఇయ‌ర్ వేడుక‌ల‌పై మాట్లాడారు. అంద‌రూ జాగ్ర‌త్త‌గా ఉండాలని తెలిపారు. ముంబైలో నిన్న 24గంట‌ల వ్వ‌వ‌ధిలో 1,377 కోవిడ్ కేసులు నమోదయ్యాయి.నగరంలో స్పైక్ రేటు చాలా ఎక్కువగా ఉంది, డిసెంబర్ 8 నుండి మూడు వారాల్లో కేసులు 188 శాతం ఎక్కువగా నమోదయ్యాయి. మహారాష్ట్ర ఆరోగ్య మంత్రి రాజేష్ తోపే తాజా కేసుల పెరుగుదలపై ఆందోళన వ్యక్తం చేశారు. ఇది “ఆందోళనకరమైన పరిస్థితి” అని పేర్కొన్నారు. రాష్ట్రంలో కేసుల సంఖ్య రెట్టింపు కావడం, ముంబైలో పెరుగుతున్న ఇన్‌ఫెక్షన్ల సంఖ్య నేటు 2,200 దాటవచ్చని ఆయన ఆందోళన వ్యక్తం చేశారు. ప్ర‌జ‌లంతా మాస్క్ లు ధ‌రించాల‌ని తెలిపారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్ పేజీల‌ను ఫాలో అవ్వండి..