జార్ఖండ్‌లోని గొడ్డాలో షాకింగ్ ప్రేమకథ బయటపడింది. ఆ అమ్మాయి తన సోదరి మరిదితో ప్రేమలో పడింది. వీరి లవ్ స్టోరీ గురించి ఇద్దరి కుటుంబాలకు తెలియడంతో వీరిద్దరి పెళ్లిపై చర్చ మొదలైంది. అయితే కట్నం డిమాండ్ కారణంగా ఇరు కుటుంబాల మధ్య దూరం ఏర్పడింది. వీటన్నింటి మధ్య వారిద్దరి మధ్య ప్రేమ చిగురిస్తూనే ఉంది. ఒకే ఇంట్లో మనస్పర్థలు వచ్చినా ఇద్దరూ కలుస్తూనే ఉన్నారు. ఇద్దరు కూడా ఇళ్ల మధ్య దూరాన్ని తగ్గించేందుకు ప్రయత్నించినా ఫలితం లేకపోయింది. దీంతో ఆ అమ్మాయి సోదరి గర్భం దాల్చడంతో ఆమె ఆరోగ్యం క్షీణించింది. అనంతరం ఆమెను సదర్ ఆసుపత్రిలో చేర్పించారు. ఇంటికి చిన్న అతిథి వస్తున్నాడన్న ఆనందంలో ఇరు కుటుంబాల వారు వస్తూనే ఉన్నారు.తన సోద‌రిని చూసుకోవ‌డానికి ఆ అమ్మాయి ఆసుపత్రికి వస్తుండగా, ఆమె ప్రియుడు కూడా ఆసుపత్రికి వ‌చ్చాడు. అవకాశం దొరికిన వెంటనే ఆ ప్రేమికుడు తన ప్రియురాలి నుదుటిన సింధూరాన్ని దిద్దాడు. దాంతో పేషెంట్లంతా ఈ పెళ్లికి, ప్రేమ జంటకు శుభాకాంక్షలు చెప్పారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..