Breaking : చెట్టుని ఢీ కొన్న కారు – ముగ్గురు మ‌హిళ‌లు మృతి – 12మందికి గాయాలు

స్పీడ్ గా వెళ్తోన్న కారుకి ఓ జంతువు అడ్డురావ‌డంతో యాక్సిడెంట్ అయింది. కారు బ్యాలెన్స్‌ దెబ్బతిని చెట్టును ఢీకొంది. ఈఘ‌ట‌న‌లో ముగ్గురు మ‌హిళ‌లు ప్రాణాలు కోల్పొయారు..12మంది గాయ‌ప‌డ్డారు. ఈ ప్ర‌మాదం హ‌ర్యానా రాష్ట్రంలోని హిసార్ లో చోటు చేసుకుంది. ఈ ప్రమాదంపై స్థానికులు పోలీసులకు, అంబులెన్స్‌కు సమాచారం అందించారు. వారందరినీ వెంటనే ఆస్పత్రికి తరలించారు. విచారణలో ముగ్గురు మహిళలు ప్రాణాలు కోల్పోయినట్లు తేలింది. దీని తరువాత, గాయపడిన వారందరినీ ప్రథమ చికిత్స కోసం నార్నౌండ్‌లోని సివిల్ ఆసుపత్రిలో చేర్చారు. అక్కడి నుంచి వైద్యులు ప్రథమ చికిత్స అనంతరం హిసార్‌కు తరలించారు. నార్నాండ్‌లోని రాజ్‌తాల్ గ్రామానికి చెందిన ఒక కుటుంబం రాజస్థాన్‌లో ప్రార్థనలు చేసి ఇంటికి తిరిగి వస్తోంది. నార్నౌండ్ సమీపంలోకి రాగానే, కారు ముందు ఓ జంతువు వచ్చింది..దాంతో ఈ యాక్సిడెంట్ జ‌రిగింది. కాగా ఈ ఘ‌ట‌న‌లో రాజ్‌తాల్‌కు చెందిన 57 ఏళ్ల వీరమతి, 62 ఏళ్ల కృష్ణ .. 47 ఏళ్ల రాణి మరణించినట్లు ప్రకటించారు.