Breaking : పాల్ఘ‌ర్ హ‌త్య కేసులో – 10మంది నిందితుల‌కు బెయిల్ మంజూరు

2020 ఏప్రిల్‌లో ఇద్దరు సాధువులతో సహా ముగ్గురిని పాల్ఘర్ హత్య కేసులో బాంబే హైకోర్టు 10 మంది నిందితులకు బెయిల్ మంజూరు చేసింది.. అదే కేసులో 8 మంది నిందితులకు బెయిల్ నిరాకరించింది. సీసీటీవీ ఫుటేజీలోని నిందితుల చిత్రాలతో సరిపోలిన ఎఫ్‌ఎస్‌ఎల్ నివేదిక ప్రస్తుతం తమకు వ్యతిరేకంగా ఉందని హైకోర్టు పేర్కొంది. పాల్‌ఘర్‌ హత్య కేసులో ముగ్గురిని దుండ‌గులు కొట్టి చంపారు. బాంబే హైకోర్టు బెయిల్ మంజూరు చేసిన నిందితుల్లో మోహన్ గవిటో, ఈశ్వర్ బంధు నికోలాయ్, ఫిరోజ్ భావు సాతే, రాజు గురుడి, విజయ్ పిలానా, దిశా పిలానా, దీపక్ గురుడి, సీతారాం రాథోడ్, విజయ్ గురుడి ,రత్నా భవారి పేర్లు ఉన్నాయి. అదే సమయంలో, రాజేష్ రావు, రాందాస్ రావు, భౌ ధాకల్ సాఠే, హవాసా తులాజీ సాఠే, రాజల్ గురుడి, మహేష్ గురుడి, లహన్య వలాక్రి , సందేశ్ గురుడిలకు బెయిల్ మంజూరు చేయడానికి కోర్టు నిరాకరించింది. ఏప్రిల్ 16, 2020 రాత్రి, మహారాష్ట్రలోని పాల్ఘర్‌లో ఇద్దరు సాధువులతో సహా ముగ్గురిని ఒక గుంపు దారుణంగా కొట్టి చంపింది. ఈ ఘటన జరిగిన సమయంలో పోలీసులు కూడా అక్కడే ఉండడంతో వీరి పాత్రపై ఆరా తీశారు. అనంతరం ఈ కేసులో 100 మందిని అరెస్టు చేశారు. అయితే ఈ కేసులో చాలా మందికి బెయిల్ మంజూరైంది.