ఫార్మా యూనిట్‌లో పేలుడు, ఐదుగురికి గాయాలు – ఇద్ద‌రి ప‌రిస్థితి విష‌మం

విశాఖపట్నం జిల్లాలో హెటెరో డ్రగ్స్‌లో జరిగిన పేలుడులో ఐదుగురు కార్మికులు గాయప‌డ్డారు. క్షతగాత్రులలో ఇద్దరి పరిస్థితి విషమంగా ఉండడంతో ఆస్పత్రికి తరలించారు. నక్కపల్లిలోని ఫార్మసీ కంపెనీ ఫ్యాక్టరీలో ఈ ఘటన చోటుచేసుకుంది. ఒక రియాక్టర్ వద్ద పేలుడు సంభవించింది, దాంతో చుట్టుప‌క్క‌ల‌ అంతటా మంటలు వ్యాపించడంతో అక్కడ ఉన్న సిబ్బంది గాయపడ్డారు. అగ్నిమాపక సిబ్బంది ఘ‌ట‌నాస్థ‌లికి వచ్చి మంటలను ఆర్పివేశారు. ఈ ఘటనతో ప్లాంట్‌ కార్యకలాపాలను యాజమాన్యం నిలిపివేసింది. క్షతగాత్రులలో ముగ్గురిని స్థానిక ఆసుపత్రికి తరలించగా, మరో ఇద్దరిని విశాఖపట్నం ఆసుప‌త్రికి తరలించారు. గాయపడిన కార్మికుల కుటుంబాలకు పరిహారం ఇవ్వాలని కంపెనీ యాజమాన్యాన్ని సిఐటియు ప్రతినిధులు కోరారు.