సూపర్ హిట్ డైరెక్టర్ అనిల్ రావిపూడి దర్శకత్వంలో రూపొందిన ఎఫ్ 2 సినిమా అంద‌రినీ క‌డుపుబ్బ న‌వ్వించింది. దానికి సీక్వెల్ గా ఎఫ్ 3 రూపోందుతున్న విష‌యం అంద‌రికీ తెలిసిందే.. విక్టరీ వెంకటేష్, మెగా ప్రిన్స్ వరుణ్ తేజ్ మరోసారి కలిసి నటిస్తున్న మల్టీస్టారర్ చిత్రం ఇది. కాగా, ఫ్యామిలీ ఆడియ‌న్స్ తో స‌హా అంద‌రినీ విపరీతంగా ఆకట్టుకుంది ఏఫ్ 2 సినిమా. అయితే.. ‘ఎఫ్ 2’కు మూడు రెట్లు ఎక్కువ వినోదంతో ఈ సీక్వెల్ ‘ఎఫ్ 3’ సినిమాను రూపొందిస్తున్నట్లు చిత్రబృందం చెబుతోంది.
సంక్రాంతికి విడుదల కావాల్సిన ఈ సినిమా అప్ప‌టికే లైన్ లో ఉన్న పాన్ ఇండియా సినిమాల వల్ల వాయిదా ప‌డుతూ వ‌స్తోంది. ఇప్పుడీ సినిమాను స‌మ్మ‌ర్‌లో రిలీజ్ చేయ‌డానికి రెడీ అవుతోంది మూవీ టీమ్‌.. ఏప్రిల్ 28న ఈ సినిమాను విడుదల చేసేందుకు నిర్ణయిస్తూ ఇటీవలే అధికారిక ప్రకటన కూడా చేశారు. దీనికి సంబంధించిన పోస్ట్ ప్రొడ‌క్ష‌న్ ప‌నులు జ‌రుగుతున్నాయి.
ఈ క్రమంలో ఈ సినిమాలోని తొలి లిరికల్ సాంగ్ ‘లబ్ డబ్.. లబ్ లబ్ డ‌బ్బో’ ను రిలీజ్ చేసింది చిత్రబృందం. ఈ పాట‌కు దేవిశ్రీ ప్ర‌సాద్‌ సంగీతం స‌మ‌కూర్చ‌గా.. రామ్ మిరియీల స్వ‌రమందించాడు.. యూట్యూబ్‌లో వైర‌ల్ అవుతున్న ఈ పాట‌ని మీరు చూసి ఎంజాయ్ చేయండి..
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..