సిఎన్ జి ధ‌ర‌ల పెంపున‌కు నిర‌స‌న‌గా – ఆటోడ్రైవ‌ర్ల స‌మ్మె

ఢిల్లీలో సిఎన్‌జి ధరల పెంపునకు నిరసనగా ఆటోడ్రైవర్లలో ఒక వర్గం నేడు సమ్మెకు పిలుపునిచ్చింది. జంతర్ మంతర్ వద్ద ఆటో, క్యాబ్, ట్యాక్సీ డ్రైవర్ల సంఘం నిరసన చేపట్టింది. గత నెలలో 10వ సారి సీఎన్‌జీ ధరలు పెంచారు. ఢిల్లీలో CNG (CNG) ధర పెంపునకు వ్యతిరేకంగా విజయ్ కుమార్ అనే ఆటో డ్రైవర్ సమ్మె చేస్తున్నాడు. సిఎన్‌జి ధర రోజు రోజుకూ పెరుగుతూ పనిపై ప్రభావం చూపుతోంది. పాత మీటర్ల రేట్లు కొనసాగుతున్నాయి. ద్రవ్యోల్బణం కారణంగా చాలా ఇబ్బందులు ఎదుర్కొంటున్నామని చెప్పారు. ప్రయాణికుల నుంచి రూ.10-20 ఎక్కువ అడిగితే ఆటో దిగి వెళ్లిపోయారు. సీఎన్‌జీ ధర రోజురోజుకూ పెరుగుతోంది. పేదవాడు ఎక్కడికి వెళ్తాడ..? డ్రైవర్లందరూ రోడ్లపైకి వచ్చినప్పుడే ప్రభుత్వం దృష్టికి వస్తుంది. పేదల మాట వినని ప్రభుత్వం, మేమే ప్రభుత్వం ఏర్పాటు చేసినా మా వైపు చూడటం లేదన్నాడు. ప్రేమ్ దాస్ అనే ఆటో రిక్షా డ్రైవర్ మాట్లాడుతూ..మాలో చాలా మంది అద్దెకు ఆటో-రిక్షాలు నడుపుతున్నాం. CNG కొని ఆటో-రిక్షా యజమానికి అద్దె డబ్బు చెల్లించిన తరువాత, మాకు ఏమి మిగ‌ల‌డం లేద‌ని ఆవేద‌న వ్య‌క్తం చేశాడు. మేం ఏమి సంపాదిస్తాం..ఎలా బ‌త‌కాల‌ని అన్నాడు.