తెలంగాణ రాష్ట్రంలోని నారాయణపేట జిల్లాలో దారుణ ఘటన జ‌రిగింది. లైంగిక దాడిని ప్రతిఘటించిన ఓ యువతిపై ఉన్నాది నిప్పటించాడు. దీంతో తీవ్ర గాయాలపాలైన ఆ యువతి చికిత్స పొందుతూ చ‌నిపోయింది. జిల్లాలోని మద్దూరు మండలానికి చెందిన యుతిపై కోయిల్ కొండ మండలం ఇంజమూర్ గ్రామానికి చెందిన వెంకట్రాములు నిన్న రాత్రి లైంగిక దాడికి యత్నించాడు. అయితే ఆ యువతి ప్రతిఘటించడంతో వెంకట్రాములు ఆమెకు నిప్పటించాడు. గాయాలతో అరుస్తున్న యువతినికి గమనించిన స్థానికులు చికిత్స నిమిత్తం మహబూబ్‌నగర్ జిల్లా కేంద్రంలోని ఆస్పత్రికి తరలించారు. అయితే ఆస్పత్రిలో చికిత్స పొందుతూ ఆ యువతి ఇవ్వాల చ‌నిపోయింది. ఈ ఘటన స్థానికంగా సంచలనం కలిగించింది. పోలీసులు కేసు నమోదు చేసి దర్యాప్తు చేస్తున్నారు.
మద్దూర్ మండలంలోని ఓ గ్రామానికి చెందిన యువతి హైదరాబాద్లోని ఉప్పరపల్లిలో పని చేసుకుంటూ జీవిస్తోంది. కోయిల్కొండ మండలం వింజమూర్కు చెందిన వెంకట్రాములు కూడా ఉప్పరపల్లిలోనే పనిచేస్తున్నాడు. కొంతకాలంగా యువతితో పరిచయం పెంచుకున్న వెంకట్రాములు.. ప్రేమిస్తున్నానని నమ్మించాడు. పెళ్లి చేసుకుంటానని నమ్మించి యువతిని హైదరాబాద్ నుంచి మద్దూర్కు తీసుకొచ్చినట్టుగా తెలుస్తోంది. అయితే పెళ్లి చేసుకోవాలని యువతి ఒత్తిడి రావడంతో.. వెంకట్రాములు ఆమెపై లైంగిక దాడి చేసి, వదిలేయాలని చూశాడు. అయితే యువతి ప్రతిఘటించడంతో కోపంతో ఆమెపై వెంకట్రాములు పెట్రోల్ పోసి నిప్ప‌టించిన‌ట్టు తెలుస్తోంది.