బ్యాంకు కస్టమర్లకు అలర్ట్. కొత్త సంవత్సరం నుంచి బ్యాంకింగ్ రూల్స్లో మార్పులు రానున్నాయి. 2022 జనవరి 1వ తేదీ నుంచి ఏటీఎం విత్డ్రా ఛార్జీల్లో మార్పులు చోటు చేసుకోనున్నాయి. బ్యాంకింగ్ వినియోగదారులకు ప్రస్తుతం ఏటీఎం ఛార్జీలు పరిమితి దాటిన తర్వాత.. ప్రతి లావాదేవీకి రూ.20 ఛార్జీగా వసూలు చేస్తున్నాయి. వచ్చే ఏడాది జనవరి 1 నుంచి ఈ ఛార్జీలు రూ.21కి పెరగనున్నాయి. దీనికి జీఎస్టీ అదనం. ఏటీఎం ఛార్జీలు పెంచేందుకు ఆర్బీఐ ఇప్పటికే అనుమతులు కూడా ఇచ్చింది. ఈ నేపథ్యంలో ఇప్పటికే పలు బ్యాంకులు తమ ఖాతాదారులకు కొత్త ఛార్జీల గురించి సమాచారం ఇస్తున్నాయి.
ఏదైన బ్యాంక్ వినియోగదారుడు.. అదే బ్యాంక్ ఏటీఎంలో 5 సార్లు ఉచితంగా లావాదేవీలు జరపొచ్చు. ఇతర బ్యాంకు ఏటీఎంలలో మెట్రో నగరాల్లో అయితే మూడు సార్లు, నాన్ మెట్రో పట్టణాల్లో 5 సార్లు పరిమితి ఉంది. అయితే, ఈ పరిమితి దాటి తర్వాత చేసే ప్రతి లావాదేవీకి రూ.21 ఛార్జీ చెల్లించాల్సి ఉంటుంది. దీనికి జీఎస్టీ అదనం. జనవరి 1 నుంచి దేశంలోని అన్ని ప్రభుత్వ, ప్రైవేటు బ్యాంకులు ఈ కొత్త నిబంధనలను అమలు చేయనున్నాయి.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్ పేజీల‌ను ఫాలో అవ్వండి..