ఇద్దరు అనుమానిత ఉగ్రవాదుల అరెస్టు

ఇద్దరు అనుమానిత ఉగ్రవాదులను అసోంలోని బార్‌పేట జిల్లాలో పోలీసులు అరెస్టు చేశారు. ఇద్దరు అనుమానిత ఉగ్రవాదులకు ఏఐక్యూఎస్‌, అన్సురుల్లా బంగ్లా టీమ్ (ఏబీటీ) తో సంబంధాలున్నాయని బార్‌పేట ఎన్‌సీ అమిత్‌ నిన్షా తెలిపారు. బార్‌పేటలోని ఓ మదర్సాను ప్రభుత్వ భూమిలో అక్రమంగా నిర్మించడంతో పోలీసులు అక్కడికి చేరుకొని.. తొలగించారు. అరెస్టయిన ఇద్దరు నిందితులకు కూడా ఈ మదర్సాతో సంబంధాలున్నాయని పోలీసు అధికారులు తెలిపారు. అనుమానిత ఉగ్రవాదులను అక్బర్ అలీగా, అబుల్ కలాం ఆజాద్‌గా గుర్తించారు. ఇదిలా ఉండగా.. పోలీసులు గత 10 రోజుల్లో దాదాపు ఆరుగురిని అరెస్టు చేశారు.