స్మార్ట్ ఫోన్ ధిగ్గజ సంస్థ ఆపిల్ తన ఐఓఎస్ని ఎప్పటికప్పుడు అప్డేట్ చేస్తోంది. ఇందులో భాగంగా ప్రస్తుతం 16 బీటా వర్షెన్లో కొన్ని ఫీచర్లను టెస్ట్ రన్ కూడా చేస్తోంది. అయితే.. ఈ మధ్య జరిగిన ఈవెంట్ సందర్భంగా ఐఓఎస్ 16 ఆర్సీ వెర్షన్ని రిలీజ్ చేసింది. కానీ, ఐక్లౌడ్ షేర్ ఆప్షన్ మాత్రం అందులో లేదు. ఈ ఆప్షన్ సెప్టెంబర్ 12న వస్తుందని ఇంతకుముందు ప్రకటించింది. కానీ, ఇప్పుడు దాన్ని వాయిదా వేస్తున్నట్టు తెలుస్తోంది. ఎందుకంటే తాజా ఐఓఎస్ 16 బీటా నుంచి కూడా ఈ ఫీచర్ని తొలగించినట్టు ఆపిల్ ఇన్సైడర్ ద్వారా తెలుస్తోంది.
కాగా, iOS 16 కోసం iCloud షేర్డ్ ఫోటో లైబ్రరీ ఫీచర్‌ను ఈ సంవత్సరం చివర్లో వస్తుందని తన వెబ్పేజీలో పొందుపరిచినట్టు తెలుస్తోంది. ఇక.. Apple iOS 16లో భాగంగా iCloud షేర్డ్ ఫోటో లైబ్రరీ ద్వారా ఐఫోన్లో ఉన్న ఫొటోలు, వీడియోలను మరో ఐదుగురు వ్యక్తులకు ఈజీగా షేర్ చేసే అవకాశం ఉంటుంది.
ఐక్లౌడ్‌లో ఇప్పటికీ అందుబాటులో ఉన్న షేర్డ్ ఆల్బమ్‌ల కంటే ఈ ఫీచర్ చాలా డిఫరెంట్గా ఉంటుందని తెలుస్తోంది. ఫోటోల యాప్‌లో ప్రస్తుతం అందుబాటులో ఉన్న షేర్డ్ ఆల్బమ్‌లతో ఇప్పటికైతే మనం ఎంచుకున్న వ్యక్తులతో మాత్రమే ఫోటోలు, వీడియోలను షేర్ చేయవచ్చు. అవతలి వారు కూడా తమ సొంత ఫొటోలు, వీడియోలు, వ్యాఖ్యలను కూడా యాడ్ చేయవచ్చు.