మహబూబాబాద్ జిల్లా కేసముద్రంలో కారు యాక్సిడెంట్ జరిగింది. ప్రమాదవాశాత్తు కారు బావిలో పడడంతో న‌లుగురు చనిపోయారు. మరో ఇద్దరు కారులోనే చిక్కుకుపోయిన‌ట్టు తెలుస్తోంది. తొలుత ఒకరు కారులోనే చ‌నిపోగా.. ముగ్గురు సేఫ్‌గా బ‌య‌ట‌ప‌డ్డారు. వీరిలో ఒక‌రి ప‌రిస్థితి సీరియ‌స్‌గా ఉంటే హాస్పిట‌ల్‌కి తీసుకెళ్లారు. ఆ త‌ర్వాత మరో ముగ్గురు చ‌నిపోయిన‌ట్టు వార్త‌లొస్తున్నాయి.
భద్రాద్రి కొత్తగూడెం టేకులపల్లి గ్రామానికి చెందిన అయిదుగురు వ్యక్తులు వరంగల్‌ జిల్లా పర్వతగిరి దగ్గరున్న అన్నారం షరీఫ్ కు కారులో వెళ్లారు. ఈ క్రమంలో మరో ఇద్దరు లిఫ్ట్‌ అడిగి కారులో ఎక్కారు. ఏడుగురుతో వస్తున్న కారు జిల్లాలోని కే సముద్రం బైపాస్‌ వద్ద అదుపుతప్పి బావిలో పడిపోయింది. ఈ ప్రమాదంలో తొలుత ముగ్గురు వ్యక్తులు ప్రాణాలతో బయటపడగా. ఒకరు చనిపోయారు. మరొకరు అపస్మారక స్థితిలో ఉండగా.. చికిత్స కోసం మహబూబాబాద్ ప్రభుత్వ ఆస్పత్రికి త‌ర‌లించ‌గా చికిత్స పొందుతూ చ‌నిపోయిన‌ట్టు స‌మాచారం.
