‘‘అన్నా.. అంతా మంచేనా. ఆరోగ్యం ఎట్లున్నది. కొత్తగూడెంలో పరిస్థితులు ఎట్లున్నయ్. గా పోడు పట్టాల సంగతేమైంది” అని సీఎం కేసీఆర్ ఎమ్మెల్యే వనమాను అడిగినట్టు తెలుస్తోంది. సీఎం కేసీఆర్ ఎమ్మెల్యే వనమా వెంకటేశ్వరరావుకు ఫోన్ చేశారు. కొత్తగూడెం నియోజకవర్గంలో పోడు పట్టాల గురించి ఆరా తీశారు.
ఇవ్వాల (మంగళవారం) రాత్రి సీఎం కేసీఆర్ నుంచి తనకు ఫోన్ కాల్ వచ్చిందని ఎమ్మెల్యే తెలిపారు. కొత్తగూడెం నియోజకవర్గంలో సింగరేణి స్థలాల గురించి ఎమ్మెల్యే వనమాతో సీఎం కేసీఆర్ చర్చించినట్టు సమాచారం. అంతేకాకుండా దశాబ్ది ఉత్సవాల నిర్వాహణకు జరుగుతున్న ఏర్పాట్లపై అడిగి తెలుసుకున్నారు. నియోజకవర్గం రాజకీయ పరిస్థితులపై ఎమ్మెల్యే వనమాతో ముఖ్యమంత్రి కేసీఆర్ చర్చించారు. కొత్తగూడెంలో జరుగుతున్న అభివృద్ధి పనుల గురించి కూడా చర్చించినట్టు తెలుస్తోంది.