అనీష్ ఖాన్ మరణంపై దర్యాప్తును కప్పిపుచ్చేందుకు ముఖ్యమంత్రి మమతా బెనర్జీ తన విశ్వసనీయ సిబ్బందితో ముగ్గురు సభ్యుల ప్రత్యేక దర్యాప్తు బృందాన్ని (సిట్) ఏర్పాటు చేశారని బిజెపి ఆరోపించింది. 28 ఏళ్ల విద్యార్థి నాయకుడు అనీష్ ఖాన్ మరణాన్ని పరిశీలించడానికి ముఖ్యమంత్రి ఈ వారం ప్రారంభంలో ప్రత్యేక దర్యాప్తు బృందాన్ని (సిట్) ఏర్పాటు చేశారు. పోలీసు అధికారులే అనీష్ని చంపారని అతని తల్లిదండ్రులు చెప్పారని, బీజేపీ పశ్చిమ బెంగాల్ కో-ఇంఛార్జి అమిత్ మాల్వియా వెల్ల‌డించారు. త‌మ కుటుంబానికి న్యాయం చేయకుండా , పరిస్థితిని కప్పిపుచ్చేందుకే ప్రభుత్వం ప్రయత్నిస్తోందని మాలవ్య అన్నారు. 130 రోజులుగా మమతా బెనర్జీ ప్రభుత్వానికి వ్యతిరేకంగా ప్రదర్శన చేస్తున్న 28 ఏళ్ల అనీష్ ఖాన్ అనే విద్యార్థి .. పోలీసు చేతిలో హత్యకు గురయ్యాడు. కుటుంబానికి న్యాయం చేయడానికి బదులుగా, మమతా బెనర్జీ నేరాన్ని కప్పిపుచ్చడానికి తన సిబ్బందితో కూడిన ప్రత్యేక దర్యాప్తు బృందాన్ని (సిట్) ఏర్పాటు చేసింద‌ని మాల్వియా చెప్పారు. అలియా యూనివర్శిటీ మాజీ విద్యార్థి అనిస్ ఖాన్‌ను.. అమ్టా పోలీస్ ఆఫీసర్‌గా తన ఇంటికి వచ్చి టెర్రస్ నుండి విసిరినట్లు ఆరోపణలు వచ్చాయి. ఈ ఘటనపై సీబీఐతో విచారణ జరిపించాలని తండ్రి డిమాండ్‌ చేశారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్ పేజీల‌ను ఫాలో అవ్వండి..