బాలీవుడ్‌ సూపర్‌స్టార్‌ అమితాబ్‌ బచ్చన్‌ కెరీర్‌ సుదీర్ఘమైనది. వందలాది పాత్రలు ఆయన పోషించారు. క్యారెక్టర్‌ నటునిగా వైవిధ్యమైన సినిమాలు చేస్తున్నారు. ఎంపికచేసుకున్న పాత్రల్లో మాత్రమే నటించే అమితాబ్‌ తాజాగా టాక్సీ డ్రైవర్‌గా కనిపించనున్నారు. అమితాబ్‌, సూజిత్‌ సర్కార్‌ కాంబినేషన్‌లో వచ్చిన ‘పింక్‌’, ‘పీకు’, ‘గులాబో సితాబో’ చిత్రాలు విజయం సాధించడంతో పాటు పేరు తెచ్చిపెట్టాయి. తాజాగా సూజిత్‌ నిర్మాణంలో ‘ది ఉమేష్‌ క్రానికల్స్‌ ‘పేరుతో కొత్త చిత్రం సెట్స్‌పైఉంది. దీన్ని స్వీడన్‌కు చెందిన పూజా కౌల్‌ తెరకెక్కిస్తున్నారు. ఇదే సినిమాలో అమితాబ్‌ కీలక పాత్రలో కనిపిస్తారు. టాక్సీ డ్రైవర్‌గా నటించే సన్నివేశాలను ఇటీవల లక్నోలో సిటీ స్టేషన్‌లో చిత్రీకరించారు.
ఆయన షూటింగ్‌లో ఉన్నారని తెలియడంతో వందలాది మంది అభిమానులు చేరుకున్నారు. ఇక అమితాబ్‌ తెలుగులో కూడా ఎంట్రీ ఇచ్చిన విషయం తెలిసిందే. మనం సినిమాలో కొంతసేపు మెరిసినా, సైరాలో ఓ ప్రత్యేకమైన పాత్ర చేశారు. ఇప్పుడు ప్రభాస్‌ నటిస్తున్న ప్రాజెక్ట్‌ కెలో సైతం ప్రాధాన్యత ఉన్న పాత్రలో నటిస్తున్నారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..