అమీషా పటేల్ ప్రస్తుతం తన ఇటీవలి సినిమా వెంచర్, గదర్ 2 విజయంతో ఆనందంగా ఉంది. హృతిక్ రోషన్-నటించిన కహో నా…ప్యార్ హైతో తన బాలీవుడ్ ప్రయాణాన్ని ప్రారంభించిన తర్వాత, ఆమె 2001లో గదర్: ఏక్ ప్రేమ్ కథలో తన పాత్ర ద్వారా ఎంతో కీర్తి ప్రతిష్టలు పొందింది. సన్నీ డియోల్‌తో స్క్రీన్‌ షేర్ చేసుకుంది. ఈ చిత్రాల ద్వారా పొందిన ప్రశంసల తర్వాత అమీషా పటేల్ కెరీర్‌లో అనేక సినిమాల్లో నటించింది. అయితే, ఆశ్చర్యకరమైన విషయం ఏమిటంటే ఆమె చల్తే చల్తే, తేరే నామ్, మున్నా భాయ్ MBBS వంటి సినిమాల్లో చాన్స్ వచ్చినా నటించేందుకు తిరస్కరించింది.
ఈటీమ్స్ తో ఇటీవల జరిగిన ఇంటరాక్షన్‌లో అమీషా పటేల్ తాను భాగం కానందుకు చింతిస్తున్నట్టు తెలిపింది. ఆ సమయంలో షెడ్యూల్ వివాదాల కారణంగా చల్తే చల్తే, తేరే నామ్, మున్నా భాయ్ MBBS వంటి అనేక సినిమా ఆఫర్‌లను తిరస్కరించాల్సి వచ్చిందని అమీషా వెల్లడించింది. ఈ సినిమాలకంటే ముందు షెడ్యూల్ ఉన్న సినిమాలకు చేయాల్సి ఉండగా.. ఆ సమయంలో ఖాళీగా లేనని చెప్పుకొచ్చింది. నిర్మాతలతో కమిట్ కావడం వల్లే ఈ ప్రాజెక్ట్ లలో పాల్గొనడానికి అడ్డుగా ఉన్నాయని వివరించింది.
‘‘నేను చేయలేని సినిమాలు చాలా ఉన్నాయి. డేట్ ఇష్యూస్ కారణంగా నేను వాటిని తిరస్కరించాను. చల్తే చల్తే సినిమా ఒకటి, మున్నా భాయ్ నుంచి నాకు ఆఫర్ వచ్చింది. నేను ఆ సినిమాలు చేయలేకపోవడానికి చాలా కారణాలు ఉన్నాయి. ఎందుకంటే నేను అప్పటికే కమిట్ అయ్యాను. ఇన్ని సినిమాల్లో నటించడానికి ఒక్క అమీషా మాత్రమే ఉంది. ఆ సమయంలో నేను అన్ని చోట్లా ఉండలేను” అంటూ అమీషా చెప్పింది. చల్తే చల్తే చిత్రంలో షారుఖ్ ఖాన్, రాణి ముఖర్జీ ప్రధాన పాత్రలు పోషించగా, తేరే నామ్ చిత్రంలో సల్మాన్ ఖాన్, భూమికా చావ్లా నటించారు. సంజయ్ దత్ మున్నాభాయ్ MBBS ఒక ముఖ్యమైన పాత్రలో గ్రేసీ సింగ్‌ నటించారు.
గదర్ 2కి ఫోకస్ మారడం, ఈ చిత్రంలో సన్నీ డియోల్, అమీషా పటేల్, ఉత్కర్ష్ శర్మ.. మనీష్ వాధ్వా వంటి తారాగణం ఉన్నారు. అనిల్ శర్మ దర్శకత్వం వహించిన ఈ చిత్రం విడుదలైన ఏడు రోజుల వ్యవధిలో బాక్స్ ఆఫీస్ వసూళ్లు దాదాపు రూ.280.5 కోట్లకు చేరుకున్నాయి.
