ఆవినీతి ఆరోపణలు ఎదుర్కొంటున్న 21 మంది ఆఫీస‌ర్ల ఇళ్ల‌ల్లో ఏకకాలంలో రైడింగ్ జ‌రుగుతోంది. ఇది కర్నాటక రాష్ట్రంలో ఇవ్వాల ఉద‌యం ఏసీబీ తీసుకున్న గొప్ప నిర్ణ‌యం అంటున్నారు. అయితే.. ఎన్నికలు సమీపిస్తున్న వేళ కర్నాటక ప్రభుత్వం ఈ నిర్ణ‌యం తీసుకున్నట్టు తెలుస్తోంది. అక్రమాస్తులు కలిగిఉన్నారన్న ఆరోపణలు ఎదుర్కొంటున్న 21 మంది ప్రభుత్వ అధికారుల ఇండ్లపై అవినీతి నిరోధక శాఖ (ACB) దాడులు నిర్వహిస్తున్నది.
కర్నాటక రాష్ట్రవ్యాప్తంగా 80 ప్రాంతాల్లో ఏకకాలంలో సోదాలు చేప‌ట్టారు ఏసీబీ అధికారులు. ఈ దాడుల్లో 300 మంది అధికారులు పాల్గొన్నారు. లంచ‌గొండి ఆఫీస‌ర్ల నుంచి పలు కీలకమైన పత్రాలను స్వాధీనం చేసుకున్నారు. క‌ర్నాట అసెంబ్లీకి వచ్చే ఏడాది ఎన్నికలు జరుగనున్నాయి.
2018లో జరిగిన ఎన్నికల్లో ఏ పార్టీకి అధికారం రాకపోవడంతో కాంగ్రెస్‌, మాజీ ప్రధాని దేవెగౌడ నేతృత్వంలోని జేడీఎస్‌ పార్టీలు కలిసి ప్రభుత్వాన్ని ఏర్పాటు చేశాయి. అయితే కూటమిలో చీలిక రావడంతో ఏడాది కాలంలోనే ఆ ప్రభుత్వం పడిపోయింది.
అనంతరం యెడియూరప్ప సారథ్యంలో బీజేపీ ప్రభుత్వం కొలువుదీరింది. అయితే అవినీతి ఆరోపణలు రావడంతో బీజేపీ అధినాయకత్వం ఆయనను పదవినుంచి తొలగించి బస్వరాజ్‌ బొమ్మైని ముఖ్యమంత్రిని చేసిన విషయం తెలిసిందే.