బుట్టబొమ్మకి 700మిలియన్ వ్యూస్..4.4మిలియన్ లైక్స్..

అల వైకుంఠపురములో చిత్రంలోని పాటలన్నీ రికార్డ్స్ నెలకొల్పాయి. ఆ చిత్రంలోని పాటల్లో బుట్ట బొమ్మ’ పాట రికార్డ్ మీద రికార్డ్ లు తెచ్చిపెట్టింది.. ఇప్పటికీ ఈ పాటకి క్లిక్కుల మీద క్లిక్కులు వస్తూనే ఉన్నాయి. ఇలా తాజాగా ఈ పాట యూట్యూబ్‌లో 700 మిలియన్ వ్యూస్ మార్కును చేరుకుంది. తద్వారా తెలుగులో ఈ ఘనతను అందుకున్న తొలి హీరోగా బన్నీ చరిత్రను సృష్టించాడు. ఇక, ఈ పాటకు 4.4 మిలియన్ లైకులు కూడా వచ్చాయి. ఇది సౌత్‌లోనే అరుదైన రికార్డు. అల.. వైకుంఠపురములో’ చిత్రంలోని ‘బుట్ట బొమ్మ’ పాట 700 మిలియన్ వ్యూస్‌ను అందుకోవడం ద్వారా ఎన్నో రికార్డులు కనుమరుగైపోయాయి. మరీ ముఖ్యంగా ఈ పాట ‘రౌడీ బేబీ’ తర్వాత ఎక్కువ వ్యూస్ సాధించి సౌత్‌లో రెండో స్థానానికి చేరుకుంది. ఇక, ఇండియా వ్యాప్తంగా అల్లు అర్జున్ సాంగ్ 28వ స్థానంలో నిలిచినట్లు ఫిలిం నగర్ వర్గాలు వెల్లడిస్తున్నాయి.ఈ చిత్రంలో బుట్టబొమ్మగా పూజాహెగ్డే నటించింది.