వైష్ణవ్ తేజ్ హీరోగా దర్శకుడు శ్రీకాంత్ రెడ్డి ‘ఆదికేశవ’ సినిమాను రూపొందించారు. నాగవంశీ – సాయి సౌజన్య ఈ సినిమాకు నిర్మాణ సారథ్యం వహించారు. కాగా, మొదటిసారిగా పవర్ఫుల్ టైటిల్ తో .. పవర్ఫుల్ పాత్రలో వైష్ణవ్ తేజ్ ఈ సినిమా చేసినట్టు మెకర్స్ చెబుతున్నారు. ఇంతవరకూ ఆయన చేసిన సినిమాల్లో యాక్షన్ సీన్స్ ఎక్కువగా ఉన్నది ఈ మూవీలోనే అని తెలుస్తోంది.
కాగా, లేటెస్ట్గా ఈ సినిమాకు సంబంధించిన ఒక లిరికల్ సాంగును మేకర్స్ ఇవ్వాల కొద్ది సేపటి క్రితం రిలీజ్ చేశారు. ‘హే బుజ్జి బంగారం ప్రేమేగా ఇదంతా .. హే నువ్వు నా సొంతం నచ్చావే మరింతా’ అంటూ సాగే ఈ పాట యూత్ని ఎంతో ఆకట్టుకుంటుందని చెబుతున్నారు. ఇక.. జీవీ ప్రకాశ్ కుమార్ స్వరపరిచిన ఈ పాటకు రామజోగయ్య శాస్త్రి సాహిత్యాన్ని అందించగా, అర్మాన్ మాలిక్ – యామిని ఘంటసాల ఆలపించారు. విదేశాల్లో చిత్రీకరించిన ఈ పాట బీట్ ఎంతో బాగుంది..
ఇక.. మైనింగ్ కి అడ్డుగా ఉందనే ఉద్దేశంతో శివాలయాన్ని కూల్చడానికి విలన్ యత్నించడం .. అందుకు హీరో అడ్డుపడటం అనే అంశం చుట్టూ అల్లుకున్న కథ అని మేకర్స్ హింట్ ఇస్తున్నారు. వైష్ణవ్ తేజ్ జోడీగా ఈ సినిమాలో ఎనర్జిటిక్ హీరోయిన్ శ్రీలీల కనిపించనుంది. జోజు జార్జ్ .. అపర్ణ దాస్.. రాధిక ముఖ్యమైన పాత్రలను పోషించారు. ఈ సినిమా, నవంబర్ 10వ తేదీన ప్రేక్షకుల ముందుకు రానున్నట్టు తెలుస్తోంది.
