హైద‌రాబాద్ జూబ్లీహిల్స్ లోని ఓ ప్రైవేట్‌ ఆఫీసులో ఇవ్వాల (మంగ‌ళ‌వారం) కొద్దిసేప‌టికి క్రితం ఫైర్ యాక్సిడెంట్ జరిగింది.. సమాచారం అందుకున్న వెంట‌నే ఘ‌ట‌నా స్థ‌లానికి హుటాహుటిన అగ్నిమాప‌క సిబ్బంది త‌ర‌లివ‌చ్చారు. రెండు ఫైరింజన్లతో మంటలు ఆర్పుతున్నారు. నిన్న సికింద్రాబాద్లో జరిగిన ఘటన మరువక ముందే సిటీలో మ‌రో ఘటన జరిగింది.. దీనికి సంబంధించిన పూర్తి వివ‌రాలు తెలియాల్సి ఉంది.
అగ్ని ప్రమాదంపై అప్డేట్ ఏంటంటే..
జూబ్లీహిల్స్ రోడ్ నెంబర్ 36లోని ఖాళీ భవనంలో ఈ అగ్నిప్రమాదం జరిగినట్టు తెలుస్తోంది. ఇంతకుముందు ఈ బిల్డింగ్లో జూబ్లీ8 క్లబ్ కొనసాగింది. కొన్ని నెలలుగా ఆ భవనం ఖాళీగానే ఉంటోంది. బిల్డింగ్ 3వ అంతస్తులో కొనసాగుతున్న (వెల్డింగ్) పనులకు సంబంధించిన నిప్పు రవ్వలు కింద ఫ్లోర్ లలోని స్టోర్ రూమ్ లో పాత సామగ్రి పై పడ్డాయి. దీంతో మంటలు అంటుకున్నాయి. ఘటనపై సమాచారం అందుకున్న అగ్ని మాపక సిబ్బంది సకాలంలో చేరుకొని 2 ఫైర్ ఇంజన్ లతో మంటలను అదుపులోకి తీసుకవచ్చారు. ఖాళీ భవనం కావడంతో ఆస్తి , ప్రాణ నష్టం జరగలేదు.