కరీంనగర్ జిల్లా మానకొండూరులో ఘోర రోడ్డు ప్రమాదం జరిగింది. ఈ రోజు తెల్లవారుజామున వేగంగా దూసుకొచ్చిన ఓ కారు అదుపుతప్పి మానకొండూరు పోలీస్ స్టేషన్ సమీపంలో చెట్టును ఢీకొట్టింది. ఈ ప్రమాదంలో కారులో ప్రయాణిస్తున్న నలుగురు దుర్మరణం చెందారు. మరొకరు తీవ్రంగా గాయపడ్డారు. సమాచారం అందుకున్న పోలీసులు ఘటనా స్థలానికి చేరుకుని క్షతగాత్రుడిని ఆస్పత్రికి గాయపడిని వ్యక్తి పరిస్థితి విషమంగా ఉందని తెలిపారు.
మృతులు కొప్పుల శ్రీనివాస రావు, కొప్పుల బాలాజీ శ్రీధర్, ఇందూరి జలంధర్, శ్రీరాజుగా గుర్తించారు. మృతులు కరీంనగర్‌లోని జ్యోతినగర్‌కు చెందినవారిగా గుర్తించారు. కారులో ప్రయాణిస్తున్న పెంచాల సుధాకర్ రావు కు తీవ్రగాయాలు అయ్యాయి. దీంతో ఆయనకు హాస్పిటల్ లో చికిత్స పొందుతున్నారు. నిద్రమత్తులో కారు నడపడమే ప్రమాదానికి కారణంగా తెలుస్తోంది. ఖమ్మం జిల్లాలోని కల్లూరులో దశ దినకర్మకు వెళ్లొస్తుండగా ఈ ప్రమాదం జరిగిందని చెప్పారు. ఈ ఘటనపై కేసు నమోదుచేసి దర్యాప్తు చేస్తున్నారు.
లోక‌ల్ టు గ్లోబ‌ల్.. ఆంధ్రప్రభ న్యూస్ కోసం ఫేస్‌బుక్‌, ట్విట్టర్ పేజీల‌ను ఫాలో అవ్వండి..