సినిమా హిట్..ప్లాప్ తో సంబంధం లేకుండా వ‌రుస చిత్రాల‌తో దూసుకుపోతున్నాడు యంగ్ రెబ‌ల్ స్టార్ ప్ర‌భాస్ ..కాగా ద‌ర్శ‌కుడు ఓం రౌత్ తెర‌కెక్కిస్తోన్న చిత్రం ఆదిపురుష్ . ఈ మూవీలో హీరోగా ప్ర‌భాస్ న‌టిస్తున్నారు. ఈ చిత్రాన్ని వ‌చ్చే ఏడాది సంక్రాంతి కానుక‌గా జ‌న‌వ‌రి 12న విడుద‌ల కానుంది. అంతేకాకుండా ఈ చిత్రాన్ని అత్యంత భారీగా దాదాపు 20 భాష‌ల్లో పాన్ వ‌ర‌ల్డ్ సినిమాగా మేక‌ర్స్ రూపొందిస్తున్నార‌ట. ఈ చిత్రానికి సంబంధించిన ఓ వార్త నెట్టింట తెగ వైర‌ల్‌గా మారింది.ఈ సినిమా తెలుగు రాష్ట్రాల థియేట‌ర్ హ‌క్కులు రూ.100 కోట్లు ప‌లికాయ‌ట.
ప్ర‌ముఖ దిగ్గ‌జ నిర్మాణ సంస్థ యూవీ క్రియేష‌న్స్ థియేట్రికల్ హ‌క్కుల‌ను ద‌క్కించుకుంద‌ట. ఇప్ప‌టివ‌ర‌కు టాలీవుడ్ సినీ చరిత్ర‌లోనే కేవ‌లం రెండు తెలుగు రాష్ట్రాల్లో 100కోట్ల థియేట్రికల్ బిజినెస్ జ‌రిగిన ఏకైక సినిమాగా ‘ఆదిపురుష్’ నిలిచింది. దీన్ని బ‌ట్టి చూస్తే ప్ర‌భాస్ క్రేజ్ ఏ స్థాయిలో ఉందో తెలుస్తుంది. ఈ చిత్రాన్ని దాదాపు 500 కోట్ల భారీ బ‌డ్జెట్‌తో భూష‌ణ్‌ కుమార్ నిర్మిస్తున్నాడు. చిత్ర బృందం ప్ర‌స్తుతం పోస్ట్ ప్రొడ‌క్ష‌న్ ప‌నుల‌లో బిజీగా ఉంది. మైథ‌లాజిక‌ల్ కాన్సెప్ట్‌తో తెర‌కెక్కిన ఈ చిత్రాన్ని ఓంరౌత్ రామాయ‌ణం నేప‌థ్యంలో రూపొందించారు. ప్ర‌భాస్ రాముడి పాత్ర‌లో న‌టించ‌గా, కృతి స‌నన్ సీత పాత్ర‌లో న‌టిస్తుంది. బాలీవుడ్ స్టార్ సైఫ్ అలీఖాన్ ప్ర‌తినాయ‌కుడి పాత్ర‌లో న‌టిస్తున్నారు.