రైల్వే ప్రయాణికులపై బాదుడు.. ప్లాట్‌ఫారం టిక్కెట్ పెంపు

ఇండియేన్ రైల్వేస్ ప్రయాణికులపై మరోసారి భారం మోపింది. ఇప్పటివరకు రూ.10గా ఉన్న ప్లాట్‌ఫారం టిక్కెట్ ధరను రూ.30కి పెంచుతూ ఉత్తర్వులు జారీ చేసింది. ఈ టిక్కెట్ కొన్నవారు 2 గంటల పాటు ప్లాట్‌ఫారంపై ఉండొచ్చని సూచించింది. అటు లోకల్ రైళ్లలో కనీస ఛార్జీని రూ.30కి పెంచింది. కరోనా పాజిటివ్ కేసులు పెరుగుతున్న నేపథ్యంలో అనవసర ప్రయాణాలను అదుపు చేసేందుకు మాత్రమే ఈ ఛార్జీలను పెంచినట్లు భారతీయ రైల్వే అధికారులు వెల్లడించారు. ప్లాట్‌ఫారంపై ఎక్కువమంది గూమికూడకుండా ఉండేందుకు తాత్కాలికంగా ప్లాట్‌ఫారం టిక్కెట్ ధరలను పెంచామని వివరించింది. కరోనా లాక్‌డౌన్ అనంతరం ఇప్పటివరకు 65 శాతం రైళ్లు మళ్లీ పట్టాలెక్కినట్లు అధికారులు పేర్కొన్నారు.