Tanker Accident | ఒకరు సజీవదహనం

Tanker Accident |ఆంధ్రప్రభ, వెబ్‌డెస్క్‌: అనంతపురం జిల్లాలో ఇవాళ ఘోర రోడ్డు ప్రమాదం చోటుచేసుకుంది. ఆయిల్ ట్యాంకర్, లారీ ఎదురెదురుగా ఢీకొనడంతో భారీ అగ్నిప్రమాదం సంభవించింది. ఈ ప్రమాదంలో ఓ వ్యక్తి సజీవ దహనమయ్యాడు.

ప్రమాదం జరిగిన వెంటనే రెండు వాహనాలకు మంటలు అంటుకోవడంతో ఘటనాస్థలం అగ్నికీలలతో దద్దరిల్లింది. మంటలు వేగంగా వ్యాపించడంతో వాహనాల్లో ఉన్న వారిని రక్షించడం కష్టంగా మారింది. ఈ క్రమంలో ఒక వ్యక్తి మంటల్లో చిక్కుకుని ప్రాణాలు కోల్పోయాడు.

సమాచారం అందుకున్న పోలీసులు, అగ్నిమాపక సిబ్బంది వెంటనే సంఘటనా స్థలానికి చేరుకుని సహాయక చర్యలు చేపట్టారు. గంటల తరబడి శ్రమించి మంటలను అదుపులోకి తీసుకొచ్చారు. ప్రమాదం కారణంగా రహదారిపై భారీగా ట్రాఫిక్ స్తంభించింది. వాహనాలను ప్రత్యామ్నాయ మార్గాల ద్వారా మళ్లిస్తూ పోలీసులు ట్రాఫిక్‌ను నియంత్రించారు. మృతుడి వివరాలు ఇంకా తెలియరాలేదని, ప్రమాదానికి గల ఖచ్చితమైన కారణాలపై దర్యాప్తు ప్రారంభించినట్లు పోలీసులు తెలిపారు.