కొలొరాడో (అమెరికా): అమెరికా వేదికగా జరిగిన అండర్‌-19 ప్రపంచ బాక్సింగ్‌ ఛాంపియన్‌షిప్‌లో భారత యువ బాక్సర్లు పతకాల పంట పండించారు. ఏకంగా 17 మెడల్స్‌ కైవసం చేసుకుని సత్తా చాటుకున్నారు. అందులో 4 స్వర్ణాలు, 8 రజతాలు, 5 కాంస్య పతకాలు ఉన్నాయి.
మహిళల జట్టు మొత్తం 10 మెడల్స్‌ గెలుచుకుని రెండో స్థానంలో నిలవగా.. పురుషుల జట్టు 7 పతకాలతో టోర్నీని ముగించింది. మహిళల విభాగంలో క్రిష వర్మ (75 కేజీలు), పార్థవి గ్రెవల్‌ (65 కేజీలు), వంశిక గోస్వామి (80 కేజీలు) బంగారు పతకాలు సొంతం చేసుకోగా.. పురుషుల విభాగంలో హేమంత్‌ సాంగ్వాన్‌ (90 కేజీలు) పసిడిని ముద్దాడాడు.