డబ్ల్యూపీఎల్-2025 సీజన్ ప్రారంభానికి ముందు, ఆర్సీబీ జట్టుకు ఊహించని ఎదురుదెబ్బ తగిలింది. జట్టు స్టార్ ఆల్ రౌండర్, న్యూజిలాండ్ కెప్టెన్ సోఫీ డివైన్ ఈ కొత్త సీజన్‌కు దూరం కానున్నట్లు తెలిసింది. సోఫీ కొంతకాలం దేశవాళీ క్రికెట్‌కు దూరంగా ఉంటుందని న్యూజిలాండ్ క్రికెట్ బోర్డు తెలిపింది. అయితే సోఫీ ఈ నిర్ణయం ఎందుకు తీసుకుందో క్లారిటీ ఇవ్వలేదు.
గతేడాది డబ్ల్యూపీఎల్ టైటిల్‌ను ఆర్సీబీ గెలుచుకోవడంలో సోఫీ కీలక పాత్ర పోషించింది. మొత్తం 10 మ్యాచ్‌లు ఆడిన సోఫీ.. 136 పరుగులు చేసి ఆరు వికెట్లు తీసింది. కాగా, డబ్ల్యూపీఎల్ మూడో సీజన్ ఫిబ్రవరి 14 నుంచి ప్రారంభం కానుండగా…. సోఫీ జ‌ట్టులో లేకపోవడం ఆర్సీబీకి గట్టి ఎదురుదెబ్బగా మిగల‌నుంది.
కాగా, డబ్ల్యూపీఎల్ 2025 సీజన్ తొలి మ్యాచ్ ఫిబ్రవరి 14న బరోడా వేదికగా గుజరాత్‌ జెయింట్స్‌ – డిఫెండింగ్‌ ఛాంపియన్‌ ఆర్సీబీ మధ్య జరగనుంది.
