ఈ ఏడాది జూన్ 1 నుంచి ఐసీసీ టీ20 మెన్స్‌ వరల్డ్‌ కప్‌ ప్రారంభం కానుంది. అమెరికా వెస్టిండీస్‌ సంయుక్తంగా ఈ టోర్నీకి ఆతిథ్యం ఇస్తున్నాయి. జూన్ 29వ తేదీ వరకు సాగనున్న ఈ టోర్నీలో మొత్తం 55 టీ20 మ్యాచ్‌లు జరుగుతాయి. టీ20 వరల్డ్‌ కప్‌ టోర్నీ నేపథ్యంలో డిస్నీ ప్లస్ హాట్స్టార్ క్రికెట్‌ అభిమానులకు అదిరిపోయే శుభవార్త చెప్పింది. డిస్నీ ప్లస్ హాట్స్టార్ యూజర్లు వరల్డ్‌ కప్‌-2024 మ్యాచ్‌లను అన్నింటినీ ఫ్రీగా చూడొచ్చని తెలిపింది.
ఇక టీ20 వరల్డ్‌ కప్‌లో టీమిండియా ఫస్ట్ మ్యాచ్‌ ఐర్లాండ్‌తో జూన్ 5న జరగనుంది. అందరూ ఎంతగానో ఎదురుచూసే పాకిస్తాన్‌- ఇండియా మ్యాచ్‌ జూన్ 9వ తేదీన జరగనుంది. మరోవైపు ఈనెలలో ప్రారంభం అవుతున్న ఐపీఎల్ 17వ సీజన్ మ్యాచ్‌లు జియో సినిమా వేదికగా స్ట్రీమింగ్ కానున్నాయి. జియో సినిమా కూడా ఉచితంగానే మ్యాచ్‌లు చూసేందుకు అవకాశం కల్పించింది.