వెస్టిండీస్, భారత్ జట్ల మధ్య జరగాల్సిన రెండో టీ20 మ్యాచ్ ఆలస్యంగా ప్రారంభం కానుంది. విండీస్‌లో జరిగే టీ20 మ్యాచులన్నీ స్థానిక కాలమానం ప్రకారం ఉదయం 10.30 గంటలకు (ఇండియాలో రాత్రి 8 గంటలు) ప్రారంభం కావాలి. కానీ, కానీ ట్రినిడాడ్ నుంచి జట్లకు సంబంధించిన కీలకమైన లగేజ్ రావడం ఆలస్యం కావ‌డంతో మ్యాచ్‌ను మరో రెండు గంటలు ఆలస్యంగా మొదలు పెట్టాలని నిర్ణయించారు.
ఈ నేపథ్యంలోనే రెండో టీ20 మ్యాచ్ స్థానిక కాలమానం ప్రకారం మధ్యాహ్నం 12.30 గంటలకు ప్రారంభం అవనుంది. భారత కాలమానం ప్రకారం అయితే రాత్రి 8 గంటలకు మొదలవ్వాల్సిన మ్యాచ్.. రాత్రి 10 గంటలకు ప్రారంభం అవుతుంది. సోమ, మంగళవారాల్లో వరుసగా టీ20 మ్యాచులు ఆడిన తర్వాత.. భారత జట్టు అమెరికా వెళ్తుంది. ఫ్లోరిడాలోని లాడర్‌హిల్‌లో చివరి రెండు టీ20లు ఆడుతుంది.