కోల్‌కతాకు చెందిన మూడేళ్ల అనీష్‌ సర్కార్‌ చదరంగంలో సంచలనం సృష్టించాడు. మోస్ట్‌ యంగెస్ట్‌ ఫిడే రేటెడ్‌ ప్లేయర్‌గా నిలిచి కొత్త చరిత్ర సృష్టించాడు. తాజాగా వెస్ట్‌బెంగాల్‌ రాష్ట్ర అండర్‌-9 ఓపెన్‌ చెస్‌ టోర్నీలో పాల్గొన్న చిచ్చర పిడుగు అనీష్‌ సర్కార్‌ 8 పాయింట్లకు 5.5 సాధించాడు.
దీంతో అనీశ్‌కు 1555 ఫిడే రేటింగ్‌ పాయింట్స్‌ లభించాయి. దీంతో 3 సంవత్సరాలు, 8 నెలలు, 19 రోజుల వయసు ఉన్న అనీష్‌ అతి చిన్న వయసులో ఫిడే రేటింగ్స్‌ సాధించిన ప్రపంచ యంగెస్ట్‌ ప్లేయర్‌గా కొత్త చరిత్ర సృష్టించాడు. ఈ క్రమంలోనే తేజస్‌ (ఐదేళ్లు) రికార్డును తాజాగా అనీష్‌ బద్దలు కొట్టాడు. కాగా, అనీష్‌ సర్కార్‌ 2021 జనవరి 26న జన్మించాడు.