– వెబ్ డెస్క్, ఆంధ్రప్రభ
వన్డే వరల్డ్ కప్ సెకండ్ మ్యాచ్ పాకిస్తాన్, నెదర్లాండ్స్ జట్ల మధ్య జరుగుతోంది. ఇవ్వాల (శుక్రవారం) హైదరాబాద్లోని ఉప్పల్ స్టేడియంలో జరుగుతున్న మ్యాచ్లో తొలుత టాస్ గెలిచిన నెదర్లాండ్స్ జట్టు బౌలింగ్ ఎంచకుంది. చిన్న జట్టుగా పేరున్న నెదర్లాండ్స్ ఆది నుంచి అటాకింగ్ మోడ్లో పాక్పై విరుచుకుపడింది. ఆదిలోని టాపార్డర్ను ఉక్కిరి బిక్కిరి చేసిన బౌలర్లు తొలి మూడు వికెట్లను స్పీడ్గా పడగొట్టారు. అయితే.. వికెట్లను కాపాడుకుంటేనే పాక్ బ్యాటర్లు పరుగులు రాబట్టే ప్రయత్నం చేశారు. ఈ క్రమంలో ఊహించినంత స్పీడ్గా నెదర్లాండ్స్ ఆట సాగలేదు. తొలి ఓవర్లలో ఉన్న స్పీడ్ అంచనా బట్టి 100 పరుగులకే పాక్ ఆలౌట్ అవుతుందనే అంచనా ఉండేది..
కానీ.. పాక్ బ్యాటర్లు నెమ్మదిగా కుదురుకుని పరుగులు రాబట్టారు. ఇందులో మహ్మదర్ రిజ్వాన్ చాలా చాకచక్యంగా బౌండరీలు బాదుతూ నెదర్లాండ్స్ బౌలర్లను ఏమాత్రం లెక్కచేయకుండా ఆడాడు. సాద్ షకీ కూడా అదే తీరు ప్రదర్శించాడు. ఈ ఇద్దరి ఆటతీరుతో మొత్తం మ్యాచ్ స్వరూపమే మారిపోయింది.
పాకిస్తాన్ బ్యాటర్లలో ఫకర్ జమాన్ (12), ఇమాముల్ హక్ (15), బాబర్ ఆజాం (5), మహ్మద్ రిజ్వాన్ (68), సౌద్ షకీల్ (68), ఇఫ్తీకర్ అమ్హద్ (9), మహ్మద్ నవాజ్ (39), షాబాద్ ఖాన్ (32), హసన్ అలీ (0), రవూఫ్ (18) పరుగులు చేయగా.. షహీన్ ఆఫ్రీది 13 పరుగులతో నాటౌట్గా నిలిచాడు.
ఇక.. నెదర్లాండ్స్ బౌలర్లలో ఆర్యన్ దత్ 1, వాన్బెక్ 1, కొలిన్ ఆకెర్మన్ 2, బాన్ మెకరీన్ 1 వికెట్లు తీయగా.. బాస్ దె లీడే 4 వికెట్లు పడగొట్టాడు.