ఆస్ట్రేలియా పర్యటనలో ఉన్న టీమిండియా గురువారం ప్రధాని ఆంటోనీ అల్బనీస్‌తో సమావేశమయ్యారు. ఈనెల 30న, డిసెంబర్ 1వ తేదీల్లో ఆస్ట్రేలియా ప్రైమ్‌మినిస్టర్స్‌ XI జట్టుతో భార‌త్ వార్మప్‌ మ్యాచ్‌ను ఆడనుంది. ఈ నేపథ్యంలో కాన్‌బెర్రాలోని పార్లమెంట్‌ హౌస్‌లో ప్రధాని ఆల్బనీస్‌తో భేటీ అయ్యారు.
ఈ సందర్భంగా అల్బనీస్ టీమిండియా కెప్టెన్ రోహిత్ శర్మ, వైస్ కెప్టెన్ జస్ప్రీత్ బుమ్రా, స్టార్ ప్లేయర్ విరాట్ కోహ్లీ సహా భారత క్రికెటర్లతో చిట్ చాట్ చేశాడు. టీమిండియాతో పాటు పీఎమ్స్‌ ఎలెవన్‌ టీమ్‌ సభ్యులతో ఆంటోనీ అల్బనీస్ సెల్ఫీలు దిగారు. ఆ ఫొటోలను తన అధికారిక ఎక్స్‌ ఎకౌంట్‌ లో పోస్ట్‌ చేశారు.
కాగా, ప్ర‌స్తుతం భార‌త్-ఆస్ట్రేలియా మ‌ధ్య జ‌రుగుతున్న బోర్డర్‌ – గవాస్కర్‌ ట్రోఫీలో భాగంగా పెర్త్‌ టెస్ట్‌లో ఆస్ట్రేలియాపై టీమిండియా 295 పరుగుల భారీ ఆదిక్యంతో విజయం సాధించింది. ఇక రెండో టెస్ట్ డిసెంబర్ ఆరో తేదీన అడిలైడ్‌ ఓవల్‌ లో ప్రారంభం కానుంది. అయితే, రెండో టెస్ట్ మ్యాచ్ కు ఎక్కువ రోజులు విరామం ఉండటంతో టీమిండియాతో పీఎమ్స్‌ ఎలెవన్‌ జట్టు ఫస్ట్‌ క్లాస్‌ మ్యాచ్‌లో తలపడనుంది.