న్యూజిలాండ్తో టీ20 సిరీస్‌లో భాగంగా టాస్ గెలిచిన టీమిండియా జట్టు బౌలింగ్ ఎంచుకుంది. ఈ సందర్భంగా కెప్టెన్ హార్దిక్పాండ్యా మాట్లాడుతూ.. తమకు తెలిసిన అత్యుత్తమ క్రికెట్‌ను ఆడడమే జట్టు లక్ష్యం అని చెప్పారు. రోహిత్ శర్మ, విరాట్ కోహ్లీకి విశ్రాంతి లభించడంతో పాండ్యా జట్టుకు నాయకత్వం వహించనున్నారు. జార్ఖండ్ రాజధాని రాంచీలో మ్యాచ్ జరుగుతోంది. తొలుత టాస్ గెలిచిన భారత్ బౌలింగ్ చేయాలని నిర్ణయించుకుంది.
శీతాకాలం సీజన్లో మంచు ఎక్కువగా ఉంటుందని, అందుకే మొదట బౌలింగ్ చేయాలనుకుంటున్నానని కెప్టెన్ హార్దిక్ పాండ్యా చెప్పారు. టీ20లకు ముందు వన్డేలు ఆడడం ఆటగాళ్లలో మంచి ఆటతీరును కనబరిచేందుకు సహాయపడుతుందని పాండ్యా అన్నారు. పృథ్వీ షా కంటే ముందు ఇషాన్ కిషన్ రాంచీలో మ్యాచ్ ఆడతాడని చెప్పారు. ఇక.. ఈ మ్యాచ్లో యుజ్వేంద్ర చాహల్ కూడా తప్పుకున్నాడని వెల్లడించారు.
భారత్, న్యూజిలాండ్ జట్ల వివరాలు:
భారత్ (ప్లేయింగ్ XI): ఇషాన్ కిషన్(w), శుభ్‌మన్ గిల్, రాహుల్ త్రిపాఠి, సూర్యకుమార్ యాదవ్, హార్దిక్ పాండ్యా(సి), దీపక్ హుడా, వాషింగ్టన్ సుందర్, శివం మావి, కుల్దీప్ యాదవ్, ఉమ్రాన్ మాలిక్, అర్ష్‌దీప్ సింగ్
న్యూజిలాండ్ (ప్లేయింగ్ XI): ఫిన్ అలెన్, డెవాన్ కాన్వే(w), మార్క్ చాప్మన్, డారిల్ మిచెల్, గ్లెన్ ఫిలిప్స్, మిచెల్ సాంట్నర్(సి), మైఖేల్ బ్రేస్‌వెల్, జాకబ్ డఫీ, ఇష్ సోధి, లాకీ ఫెర్గూసన్, బ్లెయిర్ టిక్నర్