ఐసీసీ టీ 20 ప్రపంచకప్‌లో అసలు సిసలు సమరం ప్రారంభం కాబోతోంది. ఇవ్వాల టీమిండియా, పాకిస్తాన్ జట్ల మధ్య జరిగే టీ20 మ్యాచ్లో ఇండియా టాస్ గెలిచి బౌలింగ్ ఎంచకుంది. క్రికెట్‌ అభిమానులు ఎంతో ఆసక్తిగా ఎదురు చూస్తున్న భారత్ పాక్ మ్యాచ్‌కు ఇరు జట్లు వ్యూహ ప్రతి వ్యూహాలతో రెడీగా దూకుడుమీదున్నాయి. గత ప్రపంచకప్‌లో ఎదురైన ఓటమి, ఆసియాకప్‌ కోసం పాక్ పర్యటనకు వెళ్లబోమన్న బీసీసీఐ ప్రకటన తర్వాత ఇరు దేశాల మధ్య ఉద్రిక్తతలు నెలకొన్నాయి.
కాగా, ఈ పరిస్థితుల నేపథ్యంలో దాయాదుల సమరం మరింత ఉత్కంఠం రేపుతోంది. గత ప్రపంచకప్‌లో ఎదురైన ఓటమికి సూపర్‌ -12 మ్యాచ్లో గెలిచి ప్రతీకారం తీర్చుకోవాలని రోహిత్‌ సేన భావిస్తోంది. తమకు ఇదో మ్యాచ్ మాత్రమేనని ఇరు జట్ల సారథులు ప్రకటించినా టీ 20 ప్రపంచకప్‌ ప్రారంభ మ్యాచ్ కావడంతో భారత్ పాక్ జట్లపై విపరీతమైన ఒత్తిడి ఉందన్నది స్పష్టంగా తెలుస్తోంది.