రోడ్డు ప్రమాదంలో గాయపడ్డ టీమిండియా స్టార్ బ్యాటర్ రిషబ్ పంత్ వేగంగా కోలుకుంటున్నాడు. గతేడాది జరిగిన కారు ప్రమాదంలో తీవ్రంగా గాయపడ్డ ఈ వికెట్ కీపర్ ఆ నాటి నుండి కర్రసాయంతో నడుస్తున్నాడు.. ప్రస్తుతం ఆ అవసరం లేకుండానే అడుగులు వేస్తున్నాడు. తాజాగా పంత్ వీడియో పోస్టు చేశాడు. వేగంగా కోలుకుంటున్నాననే విషయాన్ని చెబుతూ కర్ర సాయం లేకుండా నడుస్తున్న వీడియోను పంచుకున్నాడు. ఆ వీడియోలో మొదట కర్ర సాయంతో స్లోగా నడుచుకుంటున్న వచ్చిన రిషబ్ పంత్.. ఆ తర్వాత అక్కడే ఉన్న ఫిజియోకు కర్ర విసిరేశాడు. అనంతరం వేగంగా నడవడం ప్రారంభించాడు. కర్ర లేకున్నా నడవడంలో పంత్ పెద్దగా ఇబ్బంది పడలేదు. ఈ వీడియోను సామాజిక మాధ్యమాల్లో పోస్టు చేసిన పంత్ ఇక ఊతకర్ర సాయం అక్కర్లేదు అంటూ క్యాప్షన్ ఇచ్చాడు.
Happy NO MORE CRUTCHES Day!#RP17 pic.twitter.com/mYbd8OmXQx
— Rishabh Pant (@RishabhPant17) May 5, 2023
ఇది ఇలా ఉంటే రూర్కీ సమీపంలో గతేడాది డిసెంబర్ 30న రిషబ్ పంత్ రోడ్డు ప్రమాదానికి గురయ్యాడు. ఢిల్లీ నుండి రూర్కీకి కారులో వెళ్తుండగా ఆ వాహనం ఒక్కసారిగా హైవేపై బోల్తా పడింది. తర్వాత కారు మంటల్లో కాలిపోగా పంత్ ప్రాణాలతో బయటపడ్డాడు.