ఐపీఎల్ ఎలిమినేటర్ గేమ్లో ఇవ్వాల (బుధవారం) లక్నోపై ముంబయి గెలుపొందింది. తొలుత బ్యాటింగ్ చేసిన ముంబయి నిర్ణీత ఓవర్లలో ఎనిమిది వికెట్లు కోల్పోయి 182 పరుగులు చేయగలిగింది. కాగా, 183 పరుగుల టార్గెట్తో బరిలోకి దిగిన లక్నో జట్టు.. మొదటి నుంచి నెమ్మదిగా ఆడుతూ వచ్చింది. ఇక.. ముంబయి బౌలర్లు విజృంభించడంతో వరుసగా వికెట్లను పోగొట్టుకుని 15 ఓవర్లలోనే పీకల్లోతు కష్టాల్లో కూరుకుపోయింది. 16వ ఓవర్లో 101 పరుగులు 9 వికెట్ల నష్టంతో టెయిలెండర్లు నవీన్ ఉల్ హక్, ఎం ఖాన్ పోరాడారు. 16.3 ఓవర్లకే మొత్తం పది వికెట్లు పోగొట్టుకుని లక్నో దారుణంగా ఓటమి చెందింది. ఇక.. ముంబయి 81 పరుగుల భారీ తేడాతో విజయం సాధించి క్వాలిఫయర్ –2లోకి ఎంటర్ అయ్యింది.
