న్యూఢిల్లి: బీసీసీఐ నియమావళిలో సవరణకు అవకాశమివ్వాలన్న అభ్యర్థనపై సుప్రీంకోర్టు సీనియర్‌ అడ్వకేట్‌ మణీందర్‌ సింగ్‌ను అమికస్‌ క్యూరీగా నియమించింది. విచారణకు జులై 28కి వాయిదా వేసింది. చీఫ్‌ జస్టిస్‌ ఎన్‌.వి. రమణ, జస్టిస్‌ కృష్ణ మురారీ, హిమా కోహ్లీ నేతృత్వంలోని ధర్మాసనం ఈ మేరకు ఆదేశాలు జారీ చేసింది.
ఇప్పటి వరకు అమికస్‌ క్యూరీగా వ్యవహరించిన పీఎస్‌ నరసింహ సుప్రీంకోర్టు న్యాయమూర్తిగా నియమితులైన నేపథ్యంలో ఈ నియామకం చేసినట్లు ధర్మాసనం పేర్కొంది. పాలక వర్గం కాలపరిమితి మార్పునకు సంబంధించి నియమావళిలో సవరణలకు అవకాశం కల్పించాలని కోరుతూ బీసీసీఐ సుప్రీంకోర్టును ఆశ్రయించిన విషయం తెలిసిదే.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి.