క్లబ్ త్రో విభాగంలో ధరంబీర్ గోల్డ్
సిల్వర్ మెడల్ కూడా మ‌నోడిదే..
24 ప‌త‌కాల‌తో పారా ఒలింపిక్స్ లో భార‌త్ జోరు
ప్యారిస్ పారాలింపిక్స్ 2024 లో ఇండియా ప్లేయర్లు సత్తా చాటుతున్నారు. ఇందులో భాగంగా గురువారం తెల్లవారుజామున జరిగిన పురుషుల క్లబ్ త్రో F51లో ధరంబీర్, ప్రణవ్ సూర్మలు గెలుపొందారు. ఈవెంట్ మొదటి, రెండో స్థానంలో నిలవడంతో భారత ప్లేయర్లు.. ధరంబీర్, ప్రణవ్ సూర్మలు గోల్డ్, సిల్వర్ మెడల్ సాధించి చరిత్ర సృష్టించారు. హర్యానాలోని సోనిపట్‌కు చెందిన 35ఏళ్ల ధరంబీర్ ఈవెంట్‌లో రికార్డు స్థాయిలో 34.92 మీటర్లతో బంగారు పతకాన్ని గెలుచుకున్నాడు.
అలాగే అతని తర్వాతి స్థానంలో నిలిచిన ప్రణవ్ సూర్మ సిల్వర్ మెడల్ సాధించారు. కాగా 2024 పారిస్ పారాలింపిక్స్‌లో భారతదేశం మొత్తం పతకాల సంఖ్య 24కి చేరుకుంది. ఇందులో ఐదు బంగారు పతకాలు, తొమ్మిది రజత పతకాలు, 10 కాంస్య పతకాలు ఉన్నాయి.