టీ20 ప్ర‌పంచ‌క‌ప్‌లో భాగంగా నేడు జరుగుతున్న మరో గ్రూప్ మ్యాచ్‌లో టాస్ ఓడి తొలుత బ్యాటింగ్ చేపట్టిన పాకిస్తాన్ అమెరికా ముందు మోస్తరు టార్గెట్ ను సెట్ చేసింది. నిర్ణీత 20 ఓవర్లలో 7 వికెట్ల నష్టానికి 159 పరుగులు చేసింది. పాకిస్తాన్ బ్యాటర్లలో బాబర్ ఆజం (44), షాదాబ్ ఖాన్ (40) ఆకట్టుకున్నారు. మిగిలిన వారు అంతగా మెప్పించలేకపోయారు.. అమెరికా బౌలర్ల దాటికి కీలక బ్యాటర్లంతా పెవిలియన్‌కు క్యూ కట్టారు.
ఇక అమెరికా బౌలర్లలో నోస్తుష్ కెంజిగే మూడు వికెట్లు తీయగా, సౌరభ్ నేత్రవల్కర్ రెండు వికెట్లు దక్కించుకున్నాడు. అలీ ఖాన్, జస్దీప్ సింగ్ చెరో వికెట్ పడగొట్టారు. దీంతో అమెరికా జట్టు 160 పరుగుల లక్ష్యంతో బరిలోకి దిగనుంది.