ఐసీసీ టీ20 వరల్డ్ కప్ లో భాగంగా ఇవ్వాల (శనివారం) జరిగిన మ్యాచ్లో శ్రీలంకపై న్యూజిలాండ్ జట్టు గెలిచింది. తొలుత టాస్ గెలిచి బ్యాటింగ్ ఎంచుకున్న కివీస్ జట్టు ఏడు వికెట్ల నష్టానికి 167 పరుగులు చేసింది. అయితే మ్యాచ్ ప్రారంభంలోనే కీలక వికెట్లను టఫా టఫా పోగొట్టుకున్న కివీస్.. ఆ తర్వాత కోలుకుని మెరుగైన స్కోర్ని చేయగలిగింది.
అయితే.. సెకండ్ ఇన్సింగ్స్లో బ్యాటింగ్కి దిగిన శ్రీలంక జట్టు దూకుడుగా ఆడడానికి యత్నించి బోర్లాపడింది. లంక టాపార్డర్ కూడా త్వరగా పెవిలియన్ చేరడంతో ఆ జట్టు కష్టాల్లో పడింది. దీంతో నిర్ణీత ఓవర్లలో 168 పరుగుల టార్గెట్ చేరుకోలేక 19.2 ఓవర్లలోనే పది వికెట్లు కోల్పోయి కేవలం 102 పరుగులు మాత్రమే చేయగలిగింది. దీంతో కివీస్ జట్టు లంకపై 65 పరుగుల తేడాతో విజయం సాధించింది. పాయింట్ల పట్టికలో ప్రస్తుతానికి 5 పాయింట్లతో న్యూజిలాండ్ టాప్ ప్లేస్లో ఉంది
